പലപ്പോഴും പരിഹസിക്കപ്പെട്ടു, പക്ഷേ, സൗദി ലീ​ഗ് ഫ്രഞ്ച് ലീ​ഗിനെക്കാൾ മത്സരാധിഷ്ടിതമെന്ന് റൊണാൾഡോ

ദുബായ്: പലപ്പോഴും പരിഹസിക്കപ്പെട്ട സൗദി പ്രോ ലീഗ്, ഫ്രഞ്ച് ലീഗ് 1 നേക്കാൾ “കൂടുതൽ മത്സരാത്മകമാണ്” എന്ന് ക്രിസ്റ്റ്യാനോ റൊണാൾഡോ അഭിപ്രായപ്പെട്ടു.

“സത്യം പറഞ്ഞാൽ, സൗദി ചാമ്പ്യൻഷിപ്പ് ഫ്രഞ്ച് ചാമ്പ്യൻഷിപ്പിനേക്കാൾ മോശമല്ലെന്ന് ഞാൻ കരുതുന്നു. ഇത് കൂടുതൽ മത്സരാധിഷ്ടിതമാണെന്ന് ഞാൻ കരുതുന്നു,” അഞ്ച് തവണ ബാലൺ ഡി ഓർ ജേതാവായ റൊണാൾഡോ ദുബായിൽ നടന്ന ഗ്ലോബ് സോക്കർ അവാർഡിൽ പറഞ്ഞു.

കഴിഞ്ഞ ജനുവരിയിൽ അൽ-നാസറുമായി കരാറിൽ ഏർപ്പെട്ടപ്പോൾ റൊണാൾഡോ സൗദി അറേബ്യയിലേക്ക് മാറുന്ന ആദ്യത്തെ പ്രധാന ഫുട്ബോൾ താരങ്ങളിൽ ഒരാളായി മാറി.

ഫ്രാൻസിന്റെ കരീം ബെൻസെമ, ബ്രസീലിയൻ താരം നെയ്മർ, സെനഗൽ സ്‌ട്രൈക്കർ സാദിയോ മാനെ എന്നിവരും ഗൾഫ് രാജ്യത്തിലെ ബമ്പർ പേ പാക്കറ്റിനായി യൂറോപ്പിനെ പിന്നിലാക്കി. സൗദി പ്രോ ലീഗിന്റെ നിലവാരത്തെക്കുറിച്ച് ചോദിച്ചപ്പോൾ, ഞാൻ കഴിഞ്ഞ ഒരു വർഷമായി അവിടെയുണ്ടെന്നും അവർക്ക് എന്താണ് വേണ്ടതെന്ന് അവർക്ക് പറയാൻ കഴിയുമെന്നും അതിനനുസരിച്ച് കളിക്കാൻ ഞങ്ങൾക്ക് സാധിക്കാറുണ്ടെന്നും റൊണാൾഡോ വ്യക്തമാക്കി.

സൗദി ചാമ്പ്യൻഷിപ്പ് ഇപ്പോൾ ഫ്രഞ്ച് ചാമ്പ്യൻഷിപ്പിനേക്കാൾ മികച്ചതാണെന്നും കൂടുതൽ മെച്ചപ്പെടാൻ ഞങ്ങൾ ഇനിയും പരിശ്രമിക്കുമെന്നും റൊണാൾഡോ പറ‍ഞ്ഞു