ഇറാൻ, ലെബനൻ, ഇറാഖ് എന്നിവിടങ്ങളിലേക്ക് പൗരന്മാർക്ക് യാത്ര വിലക്കേർപ്പെടുത്തി യുഎഇ; ഈ രാജ്യങ്ങളിലുള്ള യുഎഇ പൗരൻമാരോട് തിരികെയെത്താനും നിർദ്ദേശം

നിലവിലെ പ്രാദേശിക അസ്വസ്ഥതകൾ കണക്കിലെടുത്ത് യുഎഇ പൗരന്മാർക്ക് ഇസ്ലാമിക് റിപ്പബ്ലിക് ഓഫ് ഇറാൻ, ലെബനീസ് റിപ്പബ്ലിക്, റിപ്പബ്ലിക് ഓഫ് ഇറാഖ് എന്നിവിടങ്ങളിലേക്കുള്ള യാത്ര വിലക്കിയതായി യുഎഇ വിദേശകാര്യ മന്ത്രാലയം (MoFA) പ്രഖ്യാപിച്ചു.

നിലവിൽ ഈ രാജ്യങ്ങളിലെ എല്ലാ യുഎഇ പൗരന്മാരും ഉടൻ തന്നെ യുഎഇയിലേക്ക് മടങ്ങണമെന്നും അഭ്യർത്ഥിച്ചു.

വിദേശത്തുള്ള തങ്ങളുടെ പൗരന്മാരുടെ ക്ഷേമം നിരീക്ഷിക്കുന്നതിനും അവരുടെ സുരക്ഷ ഉറപ്പാക്കുന്നതിനുമുള്ള യുഎഇയുടെ പ്രതിബദ്ധതയുടെ ഭാഗമായി, പുറപ്പെടുവിച്ച മാർഗ്ഗനിർദ്ദേശങ്ങളും ഉപദേശങ്ങളും പാലിക്കേണ്ടതിന്റെ പ്രാധാന്യം വിദേശകാര്യ മന്ത്രാലയം ഊന്നിപ്പറയുന്നു.

ഇറാൻ, ലെബനൻ, ഇറാഖ് എന്നിവിടങ്ങളിലെ യുഎഇ പൗരന്മാർ +971 800 44444 എന്ന നമ്പറിൽ മന്ത്രാലയവുമായി ബന്ധപ്പെടണമെന്നും വിദേശകാര്യ മന്ത്രാലയം അഭ്യർത്ഥിക്കുന്നു.

യുഎഇ പൗരന്മാരെ സംരക്ഷിക്കുന്നതിനായി നടപ്പിലാക്കുന്ന മുൻകരുതൽ നടപടികളുടെ ഭാഗമായാണ് ഈ നടപടികൾ സ്വീകരിച്ചിരിക്കുന്നത്.