ലോകത്തിലെ ഏറ്റവും മികച്ച കോഫി സൗദിയിലേത്; പരിസ്ഥിതി മന്ത്രി മൻസൂർ ബിൻ ഹിലാൽ അൽ മുഷൈതി

റിയാദ്: കഴിഞ്ഞ വർഷം സൗദി കാപ്പി ഗുണനിലവാരത്തിൽ കാര്യമായ പുരോഗതി കൈവരിച്ചതായി വെള്ളിയാഴ്ച ജസാനിൽ നടന്ന അന്താരാഷ്ട്ര സൗദി കോഫി എക്‌സിബിഷൻ 2024 ൻ്റെ ഉദ്ഘാടന ചടങ്ങിൽ പരിസ്ഥിതി, ജലം, കൃഷി വകുപ്പ് വൈസ് മന്ത്രി മൻസൂർ ബിൻ ഹിലാൽ അൽ മുഷൈതി പറഞ്ഞു.

സൗദി കോഫി ഇപ്പോൾ “ലോകത്തിലെ ഏറ്റവും മികച്ചത്” ആയി രൂപപ്പെട്ടിരിക്കുന്നുവെന്ന് അൽ-മുഷൈതി അവകാശപ്പെട്ടു. കാപ്പി കർഷകർക്കുള്ള പരിശീലന കോഴ്‌സുകൾ, ശിൽപശാലകൾ, സംസ്കാരവും കലയും സമന്വയിപ്പിക്കുന്ന മീറ്റിംഗുകൾ എന്നിവ ഉൾപ്പെടുന്ന പ്രദർശനം സൗദി അറേബ്യയുടെ തെക്കുപടിഞ്ഞാറൻ പ്രദേശങ്ങളിലെ കർഷകരെയും കാപ്പി പ്രേമികളെയും അവരുടെ അഭിലാഷങ്ങൾ സാക്ഷാത്കരിക്കാൻ സഹായിക്കുമെന്ന് മന്ത്രി പറഞ്ഞു.

അൽ-മുഷൈതിയുടെ അഭിപ്രായത്തിൽ, രാജ്യത്തിൻ്റെ തെക്കുപടിഞ്ഞാറൻ മേഖലയിൽ 2,185 കോഫി ഫാമുകൾ ഉണ്ട്, അവിടെ ആകെ 391,160 തൈകൾ നട്ടുപിടിപ്പിച്ചിട്ടുണ്ട്. ജസാനിലെ സർക്കാർ സംരംഭങ്ങളിൽ നിന്ന് 1,100-ലധികം കർഷകർക്ക് പ്രയോജനം ലഭിച്ചിട്ടുണ്ടെന്നും അവരുടെ കൃഷിയിടങ്ങളിൽ ഏകദേശം 219,160 തൈകൾ നട്ടുപിടിപ്പിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.

സുസ്ഥിര ഗ്രാമീണ കാർഷിക വികസന പരിപാടി “റൂറൽ സൗദി അറേബ്യ” 155 മില്യണിലധികം (41.33 ദശലക്ഷം ഡോളർ) മൂല്യമുള്ള ബിസിനസ്സ് പിന്തുണ നൽകി. കാപ്പി മേഖലയിലെ 3,000-ത്തിലധികം ആളുകൾക്ക് ആ പിന്തുണയിൽ നിന്ന് പ്രയോജനം ലഭിക്കാൻ അർഹതയുണ്ടെന്നും മന്ത്രി പറ‍ഞ്ഞു.

നിരവധി പുതിയ പദ്ധതികൾ നടപ്പാക്കാൻ മന്ത്രാലയം സ്വകാര്യ മേഖലയുമായി ചേർന്ന് പ്രവർത്തിക്കുന്നുണ്ടെന്നും അൽ മുഷൈതി പറഞ്ഞു. 2022 അവസാനം വരെ, കാർഷിക വികസന ഫണ്ട് ജസാൻ മേഖലയിലെ പദ്ധതികൾക്ക് ഏകദേശം 1.9 ബില്യൺ റിയാൽ നൽകിയിട്ടുണ്ട്, ഇത് കന്നുകാലി, പ്ലാൻ്റ്, ഫിഷറീസ് മേഖലകളിലും കാപ്പി-കൃഷി പദ്ധതികളിലും 79 നിക്ഷേപ അവസരങ്ങളിലേക്ക് നയിച്ചു.