ഭക്ഷ്യമേളകൾ മുതൽ കോമഡി ഷോ വരെ; ഫെബ്രുവരി മാസത്തിൽ വൈവിധ്യമാർന്ന പരിപാടികൾ സംഘടിപ്പിക്കാൻ ഖത്തർ ഒരുങ്ങുന്നു

ദുബായ്: ഫെബ്രുവരി മാസത്തിൽ വൈവിധ്യമാർന്ന പരിപാടികൾ സംഘടിപ്പിക്കാൻ ഒരുങ്ങി ഖത്തർ. ഭക്ഷ്യമേളകളും സംഗീതകച്ചേരികളും മുതൽ സ്പോർട്സ് ഇവൻ്റുകളും കോമഡി ഷോകളും വരെ അണിനിരക്കും. ആഗോളതലത്തിൽ അംഗീകരിക്കപ്പെട്ട ഇവൻ്റുകളുടെ ഒരു നിര രാജ്യം വാഗ്ദാനം ചെയ്യുന്നുവെന്നാണ് റിപ്പോർട്ട്.

ദോഹ ജ്വല്ലറി ആൻഡ് വാച്ചസ് എക്സിബിഷൻ (DJWE)

ദോഹ എക്സിബിഷൻ ആൻഡ് കൺവെൻഷൻ സെൻ്ററിൽ മികച്ച ആഭരണങ്ങളുടെയും വാച്ചുകളുടെയും ശേഖരങ്ങൾ, പ്രദർശനം എന്നിവ ഫെബ്രുവരി 11 വരെയുണ്ടാകും.

ഭക്ഷ്യമേള

അൽ ബിദ്ദ പാർക്കിലെ എക്‌സ്‌പോ ഫാമിലി സോണിൽ 11 ദിവസത്തെ രുചിമേളമാണ് ഖത്തർ ഇൻ്റർനാഷണൽ ഫുഡ് ഫെസ്റ്റിവൽ (ക്യുഐഎഫ്എഫ്) വാഗ്ദാനം ചെയ്യുന്നത്.

കോമഡി ഷോകൾ

ഫെബ്രുവരി 17ന് ഖത്തർ നാഷണൽ കൺവെൻഷൻ സെൻ്ററിൽ കനേഡിയൻ ഹാസ്യനടൻ റസ്സൽ പീറ്റേഴ്‌സ് കോമഡി ഷോ അവതരിപ്പിക്കും.

വെബ് ഉച്ചകോടി

ഫെബ്രുവരി 26 മുതൽ 29 വരെ നാല് ദിവസങ്ങളിലായി ദോഹ എക്സിബിഷൻ ആൻഡ് കൺവെൻഷൻ സെൻ്ററിൽ നടക്കുന്ന ലോകത്തിലെ ഏറ്റവും വലിയ സാങ്കേതിക സമ്മേളനമായ വെബ് ഉച്ചകോടിക്ക് മിഡിൽ ഈസ്റ്റ് ആതിഥേയത്വം വഹിക്കും.

സ്പോർട്സ്

ഫെബ്രുവരി 15 മുതൽ 17 വരെ ഷോജമ്പിംഗിനും ഡ്രെസ്സേജ് ചാമ്പ്യൻഷിപ്പിനുമുള്ള അശ്വാഭ്യാസ കായിക വിനോദങ്ങൾ അൽ ഷഖാബിലെ ലോംഗൈൻസ് ഔട്ട്‌ഡോർ ഏരിയയിൽ നടക്കും.

15,000-ലധികം പേർ പ്രാദേശിക ജീവകാരുണ്യ പ്രവർത്തനങ്ങൾക്ക് സംഭാവന നൽകിക്കൊണ്ട് വിവിധ റേസുകളും വികലാംഗരെ ഉൾപ്പെടുത്തി ദോഹ മാരത്തോണും സംഘടിപ്പിക്കും

ഫെബ്രുവരി 17 ന് ഖലീഫ ഇൻ്റർനാഷണൽ സ്റ്റേഡിയം ഫിനിഷേഴ്സ് ചാമ്പ്യൻഷിപ്പിന് ഖത്തർ ആതിഥേയത്വം വഹിക്കുന്നു.

ഫെബ്രുവരി 19 മുതൽ 24 വരെ മികച്ച കളിക്കാരെ പ്രദർശിപ്പിക്കുന്ന ടെന്നീസ്, സ്ക്വാഷ് മത്സരങ്ങൾ നടക്കും. ഖത്തർ ടോട്ടൽ എനർജി ഓപ്പൺ ഫെബ്രുവരി 11 മുതൽ 17 വരെയും ഖത്തർ എക്‌സോൺമൊബിൽ ഓപ്പൺ ഫെബ്രുവരി 19 മുതൽ 24 വരെ ഖലീഫ ഇൻ്റർനാഷണൽ ടെന്നീസ് ആൻഡ് സ്ക്വാഷ് കോംപ്ലക്‌സിലും നടക്കും.

ഫെബ്രുവരി 22 മുതൽ 23 വരെ കത്താറ കൾച്ചറൽ വില്ലേജിലാണ് മോട്ടോർ ബൈക്ക് ഷോ, ഖത്തർ ബതാബിറ്റ് ഷോ എന്നിവ നടക്കുന്നത്.

‘മാച്ച് ഫോർ ഹോപ്പ്’ – ഏറെ പ്രതീക്ഷയോടെ ഖത്തർ കാത്തിരിക്കുന്ന ചാരിറ്റി മത്സരം ഫെബ്രുവരി 23 ന് അഹമ്മദ് ബിൻ അലി സ്റ്റേഡിയത്തിൽ നടക്കും. ലോകപ്രശസ്ത കണ്ടന്റ് ക്രിയേറ്റർമാരും ഫുട്‌ബോൾ ഇതിഹാസങ്ങളും പങ്കെടുക്കുന്ന ഒരു ഫുട്‌ബോൾ മത്സരമാണിത്.