റിയൽ എസ്റ്റേറ്റ് മേഖലയിൽ ഇ-പ്ലാറ്റ്ഫോം ആരംഭിച്ച് സൗദി അറേബ്യ

സൗദി: റിയൽ എസ്റ്റേറ്റ് മേഖലയിലെ പ്രവർത്തനങ്ങൾ ഏകീകരിക്കാനും കൂടുതൽ എളുപ്പമാക്കാനും സൗദി നീതിന്യായ മന്ത്രി വാലിദ് അൽ സമാനി ഇ-പ്ലാറ്റ്ഫോം അവതരിപ്പിച്ചു.

റിയാദിലെ റിയൽ എസ്റ്റേറ്റ് ഫ്യൂച്ചർ ഫോറത്തിൽ പ്രഖ്യാപിച്ച ഈ പ്ലാറ്റ്‌ഫോം ഒരു പരേതന്റെ വിയോഗം മുതൽ അനന്തരാവകാശികൾക്കുള്ള എസ്റ്റേറ്റുകളുടെ അന്തിമ വിഹിതം വരെയുള്ള ഇടപാടുകൾ സുഗമമാക്കുന്നതിനും നിയമാനുസൃതമാക്കുന്നതിനും രൂപകൽപ്പന ചെയ്‌തിരിക്കുന്നു.

എസ്റ്റേറ്റ് വിതരണം ലളിതമാക്കുന്നതിനും ഡിജിറ്റൽ കാര്യക്ഷമത വർദ്ധിപ്പിക്കുന്നതിനും എസ്റ്റേറ്റ് ഡിവിഷനുമായി ബന്ധപ്പെട്ട തർക്കങ്ങൾ കുറയ്ക്കുന്നതിനുമുള്ള പ്ലാറ്റ്‌ഫോമിന്റെ പ്രതിബദ്ധത അൽ സമാനാനി എടുത്തുപറഞ്ഞു. റിയൽ എസ്റ്റേറ്റ് മേഖലയുടെ ഏകീകരണം കാര്യക്ഷമമാക്കുന്നതിനും വിവിധ ഇടപാടുകൾക്ക് അനുയോജ്യമായ പരിഹാരങ്ങൾ നൽകുന്നതിനും വേണ്ടിയാണ് ഈ നൂതന സംവിധാനം രൂപകൽപ്പന ചെയ്തിരിക്കുന്നതെന്നും അദ്ദേഹം കൂട്ടിചേർത്തു.

റിയൽ എസ്റ്റേറ്റ് മേഖലകളിലെ മുഴുവൻ ഇടപാടുകളും ഇനി ഇ-പ്ലാറ്റ്ഫോമിൽ രേഖപ്പെടുത്തണം.

സൗദി സെൻട്രൽ ബാങ്ക്, ക്യാപിറ്റൽ മാർക്കറ്റ് അതോറിറ്റി എന്നിവയുൾപ്പെടെയുള്ള പ്രധാന അധികാരികളുമായുള്ള സംയോജിത ഡാറ്റാ എക്സ്ചേഞ്ചുകളിലൂടെയാണ് ഇ-പ്ലാറ്റ്ഫോം സജ്ജമാക്കിയിരിക്കുന്നത്.