മുഹമ്മദ് നബിയുടെ ജന്മദിനം; സെപ്റ്റംബർ 15 അവധിയായി പ്രഖ്യാപിച്ച് യുഎഇ

ദുബായ്: മുഹമ്മദ് നബി(സ)യുടെ ജന്മദിനത്തോടനുബന്ധിച്ച് ഫെഡറൽ ഗവൺമെൻ്റിലെ തൊഴിലാളികൾക്ക് സെപ്റ്റംബർ 15 (ഞായർ) അവധിയായിരിക്കുമെന്ന് ഫെഡറൽ അതോറിറ്റി ഫോർ ഹ്യൂമൻ റിസോഴ്‌സസ് ശനിയാഴ്ച അറിയിച്ചു.

ഇസ്ലാമിക് കലണ്ടറിലെ ഹിജ്റ 1446 ലെ ഫെഡറൽ ഗവൺമെൻ്റിലെ അവധി സംബന്ധിച്ച് മന്ത്രാലയങ്ങൾക്കും ഫെഡറൽ സ്ഥാപനങ്ങൾക്കും സർക്കുലർ നൽകിയിട്ടുണ്ടെന്ന് അതോറിറ്റി അതിൻ്റെ സോഷ്യൽ മീഡിയ പ്ലാറ്റ്‌ഫോമുകളിൽ അറിയിച്ചു.

2024-ലെ സർക്കാർ, സ്വകാര്യ മേഖലകളിലെ അംഗീകൃത അവധിക്കാല അജണ്ട സംബന്ധിച്ച മന്ത്രിസഭാ തീരുമാനത്തിൻ്റെ അടിസ്ഥാനത്തിൽ, പ്രവാചകൻ്റെ ജന്മദിനത്തിന് സെപ്റ്റംബർ 15 ഞായറാഴ്ചയാണ് അവധി.