ഷെയ്ഖ് തഹ്‌നൂൻ ബിൻ മുഹമ്മദ് അൽ നഹ്യാൻ അന്തരിച്ചു; വേർപാടിൽ അനുശോചനം രേഖപ്പെടുത്തി യുഎഇ പ്രസിഡൻ്റ്

അൽ ഐൻ മേഖലയിലെ അബുദാബി ഭരണാധികാരിയുടെ പ്രതിനിധി ഷെയ്ഖ് തഹ്‌നൂൻ ബിൻ മുഹമ്മദ് അൽ നഹ്യാൻ അന്തരിച്ചു. യുഎഇ പ്രസിഡന്റ് ഷെയ്ഖ് മുഹമ്മദ് അനുശോചനം രേഖപ്പെടുത്തി.

പ്രസിഡൻഷ്യൽ കോടതിയാണ് മരണ വാർത്ത പുറപ്പെടുവിച്ചത്.

“പരമകാരുണികനും കരുണാമയനുമായ അല്ലാഹുവിൻ്റെ നാമത്തിൽ… ദൈവത്തിൻ്റെ കൽപ്പനയിലും വിധിയിലും വിശ്വസ്തതയുള്ള ഹൃദയങ്ങളോടെ, പ്രസിഡണ്ട് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാന്റെ അമ്മാവനായ ഷെയ്ഖ് തഹ്‌നൂൻ ബിൻ മുഹമ്മദ് അൽ നഹ്യാൻ ഇന്ന് അന്തരിച്ചു.”ഇതായിരുന്നു മരണ വാർത്തയിലെ ഉള്ളടക്കം

യുഎഇ വൈസ് പ്രസിഡൻ്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം പ്രസിഡൻ്റിനെയും അൽ നഹ്യാൻ കുടുംബത്തെയും യുഎഇ ജനതയെയും അനുശോചനം അറിയിച്ചു. X-ലെ ഒരു പ്രസ്താവനയിൽ, ഷെയ്ഖ് മുഹമ്മദ് ഷെയ്ഖ് തഹ്‌നൂൻ്റെ നേട്ടങ്ങളും അദ്ദേഹത്തിൻ്റെ “ദാനത്തിൻ്റെ വർഷങ്ങളും” ഓർമ്മിച്ചു

ഷെയ്ഖ് തഹ്നൂൻ മുമ്പ് അബുദാബി നാഷണൽ ഓയിൽ കമ്പനിയുടെ (അഡ്‌നോക്) ചെയർമാനും അബുദാബി എക്‌സിക്യൂട്ടീവ് കൗൺസിൽ ഡെപ്യൂട്ടി ചെയർമാനുമായിരുന്നു. 2018 ൽ ദുബായ്-അൽ ഐൻ റോഡിന് ഷെയ്ഖ് തഹ്‌നൂൻ്റെ പേരു നൽകി.