സൗദി അറേബ്യയുടെ സ്വപ്ന പദ്ധതി മെഗാപ്രോജക്റ്റ് ദി ലൈൻ പുരോ​ഗമിക്കുന്നു

സൗദി അറേബ്യയുടെ മെഗാപ്രോജക്റ്റ് ദി ലൈൻ സൽമാൻ രാജകുമാരന്റെ അതിമോഹമാണെന്ന് അഭിപ്രായപ്പെടുന്നവരുണ്ട്. എന്നാൽ ഈ പദ്ധതി യാഥാർത്ഥ്യമായി കഴിഞ്ഞാൽ വമ്പൻ വികസന വാ​ഗ്ദാനങ്ങളാണ് സൗദി അറേബ്യ ലോകത്തിന് മുന്നിൽ തുറക്കുന്നത്.

‘നിയോം ഈസ് റിയൽ’ എന്ന തലക്കെട്ടിലുള്ള ഒരു പരമ്പരയിൽ സൗദിയുടെ ഈ അപ്പ് കമിം​ഗ് സ്മാർട്ട് സിറ്റിയെ കുറിച്ചുള്ള വിവരണം മിഡിൽ ഈസ്റ്റിലെ മാധ്യമങ്ങളിൽ നിറയുകയാണ്. ദി ലൈൻ സൈറ്റിൽ നടക്കുന്ന വിപുലമായ ഫൗണ്ടേഷൻ വർക്കിനെ കുറിച്ചാണ് പലരും പറയുന്നത്

260 ഓളം എക്‌സ്‌കവേറ്ററുകളും 2,000 ട്രക്കുകളും ഉൾക്കൊള്ളുന്ന ഈ ബൃഹത്തായ ഓപ്പറേഷനാണ് ലോകത്തിലെ ഏറ്റവും വലിയ മണ്ണുപണി ഓപ്പറേഷൻ. കഠിനാധ്വാനികളായ ടീമുകൾ ഓരോ ആഴ്‌ചയും 800 ഒളിമ്പിക്‌സ് വലുപ്പമുള്ള കുളങ്ങൾ നിറയ്ക്കാൻ കഴിയുന്നത്ര മണൽ ഖനനം ചെയ്യുന്നു. സീറോ നെറ്റ് എമിഷൻ ഉള്ള ഒരു സ്വയം-സുസ്ഥിര നഗരമായ ലൈൻ, യുഎസ് സ്റ്റുഡിയോ മോർഫോസിസ് വികസിപ്പിച്ചെടുത്തതാണ്.

മേൽപ്പറഞ്ഞ 140 മൊഡ്യൂളുകൾ മോർഫോസിസ്, കുക്ക് ഹാഫ്നർ ആർക്കിടെക്ചർ പ്ലാറ്റ്ഫോം, പെയ് കോബ് ഫ്രീഡ് & പാർട്ണേഴ്സ് എന്നിവയുൾപ്പെടെ നിരവധി ആർക്കിടെക്ചർ നിർമ്മിക്കുന്നതാണ്. മണ്ണ് കൊണ്ടുള്ള പ്രവർത്തനങ്ങൾക്ക് പുറമേ, ലോകത്തിലെ ഏറ്റവും വലിയ പൈലിംഗ് ഓപ്പറേഷൻ ലൈനിൽ പുരോഗമിക്കുകയാണെന്നും നിയോം അവകാശപ്പെട്ടു. “ഞങ്ങൾ ഒരുപാട് അടിസ്ഥാന പ്രവർത്തനങ്ങൾ അക്ഷരാർത്ഥത്തി ചെയ്തിട്ടുണ്ട്,” ലൈനിൻ്റെ ചീഫ് ഡെവലപ്മെൻ്റ് ഓഫീസർ ഡെനിസ് ഹിക്കി കൂട്ടിച്ചേർക്കുന്നു. ദ ലൈനിലെ ഫൗണ്ടേഷൻ വർക്കുകളുടെ ഭാഗമായി 4,500 പൈലുകൾ ഓടിച്ചു, 2030 ഓടെ ഒന്നാം ഘട്ടം പൂർത്തീകരിക്കുന്നതിന് ഒന്നും തടസ്സമാകില്ലെന്നു കരുതുന്നുവെന്നും അദ്ദേഹം പറ‍ഞ്ഞു.