അബുദാബി: എമിറേറ്റ്സ് ഐഡി കാർഡ് പുതുക്കാൻ വൈകിയാൽ പിഴയീടാക്കുന്നതിൽ നിന്നും മൂന്ന് വിഭാഗങ്ങളെ ഒഴിവാക്കിയിരിക്കുകയാണ്. ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റി (ഐസിപി)
സാധാരണ നിലയിൽ കാലാവധി കഴിഞ്ഞത് മുതൽ 30 ദിവസത്തിനുള്ളിൽ കാർഡ് പുതുക്കിയില്ലെങ്കിൽ പ്രതിദിനം 20 ദിർഹം പിഴ ഈടാക്കും, ഇത് പരമാവധി 1,000 ദിർഹം വരെ പോകാം. എന്നിരുന്നാലും, എമിറേറ്റികൾക്കും പ്രവാസികൾക്കും ചില സാഹചര്യങ്ങളിൽ പിഴകളിൽ നിന്ന് ഇളവ് ലഭിക്കും.
ഇളവുകൾ
എമിറേറ്റ്സ് ഐഡി കാർഡുമായി ബന്ധപ്പെട്ട വൈകിയുള്ള പിഴകളിൽ നിന്ന് ഒഴിവാക്കപ്പെടുന്ന മൂന്ന് വിഭാഗങ്ങളുണ്ടെന്ന് ICP അതിന്റെ വെബ്‌സൈറ്റിലും സോഷ്യൽ മീഡിയകളിലും പ്രസ്താവിക്കുന്നു:
- യു.എ.ഇ വിട്ട് മൂന്ന് മാസത്തിലധികം രാജ്യത്തിന് പുറത്ത് ചെലവഴിച്ച ഒരു വ്യക്തി, രാജ്യത്ത് നിന്ന് പുറത്തേക്ക് പോയ തീയതിക്ക് ശേഷമാണ് കാർഡിന്റെ കാലാവധി കഴിയുന്നതെങ്കിൽ തിരിച്ചെത്തിയാൽ ഇളവ് ലഭിക്കുന്നു
- കോടതി ഉത്തരവ്, ഭരണപരമായ തീരുമാനങ്ങൾ, അല്ലെങ്കിൽ ജുഡീഷ്യൽ വിധി എന്നിവയാൽ നാടുകടത്തപ്പെട്ടതിന് ശേഷം തിരിച്ചറിയൽ കാർഡ് കാലാവധി കഴിഞ്ഞ ഒരു വ്യക്തി, അല്ലെങ്കിൽ പാസ്‌പോർട്ട് പിടിച്ചെടുക്കാത്ത കേസുകളിൽ, ഇത് യോഗ്യതയുള്ള അധികാരികൾ നൽകിയ ഒരു കത്ത് അല്ലെങ്കിൽ രസീത് വഴി തെളിയിക്കപ്പെട്ടാൽ പിഴയിൽ നിന്നും ഇളവ് നൽകും.
- യു.എ.ഇയുടെ പൗരത്വം ലഭിക്കുന്നതിന് മുമ്പും കുടുംബ പുസ്തക(family book)ത്തിൽ പേര് ചേർക്കുന്നതിന് മുമ്പും തിരിച്ചറിയൽ കാർഡ് കാലാവധി കഴിഞ്ഞാൽ പിഴയിൽ നിന്നും ഇളവ് ലഭിക്കും.
എമിറേറ്റ്സ് ഐഡിക്ക് അപേക്ഷിക്കുന്നത് വൈകിയ പെനാൽറ്റി ഇളവുകൾ സൗജന്യമാണ്. ICP വെബ്‌സൈറ്റ് വഴിയോ സ്മാർട്ട് ആപ്ലിക്കേഷൻ വഴിയോ ഐഡി കാർഡ് പുതുക്കുന്നതിനുള്ള അഭ്യർത്ഥന സമർപ്പിക്കാവുന്നതാണ്.
+ There are no comments
Add yours