സാംസം​ഗ് S25; 2025 ​ഗ്യാലക്‌സി അൺപാക്ക്ഡ് ഇവൻറ് ഇന്ന് കാലിഫോർണിയയിൽ

ലോകമെമ്പാടുമുള്ള സ്‌മാർട്ട്‌ഫോൺ ഉപയോക്താക്കൾ സാംസങ് ഗാലക്‌സി എസ് 25 സീരീസിൻറെ ലോഞ്ചിനായി കാത്തിരിക്കുകയാണ്. ഇന്ന് (ജനുവരി 22) യുഎഇ സമയം 10ന് കാലിഫോർണിയയിലെ സാൻ ജോസിൽ നടക്കുന്ന 2025 ഗാലക്‌സി അൺപാക്ക്ഡ് ഇവൻറിലായിരിക്കും എസ്‌ 25 സീരീസിലെ ഫോണുകൾ ലോഞ്ച് ചെയ്യുക. സാംസങ് ഗാലക്‌സി എസ് 25, എസ് 25 പ്ലസ്, എസ് 25 അൾട്ര എന്നിങ്ങനെ മൂന്ന് മോഡലുകളായിരിക്കും ഈ സീരീസിൽ പുറത്തിറക്കുക.

Galaxy Unpacked 2025 എങ്ങനെ കാണാൻ സാധിക്കും

സാംസംഗിൻ്റെ YouTube ചാനലിലും ഔദ്യോഗിക വെബ്‌സൈറ്റിലും തത്സമയ സ്ട്രീമുകൾ ലഭ്യമാകുന്ന Galaxy Unpacked യുഎഇ സമയം രാത്രി 10 മണിക്ക് ആരംഭിക്കും.

സാംസങ് ഗാലക്‌സി എസ്‌ 25:

ബേസിക് മോഡലിൻറെ സ്‌പെസിഫിക്കേഷനുകൾ പരിശോധിക്കുമ്പോൾ ക്യാമറയുടെ കാര്യത്തിൽ പുറത്തുവന്ന റിപ്പോർട്ടുകൾ പ്രകാരം 12 എംപിയുടെ ഫ്രണ്ട് ക്യാമറ ഫീച്ചർ ചെയ്യാനാണ് സാധ്യത. കഴിഞ്ഞ ഒക്ടോബറിൽ പ്രഖ്യാപിച്ച ആൻഡ്രോയിഡ് 15 അടിസ്ഥാനമാക്കിയുള്ള വൺ യുഐ 7 ഓപ്പറേറ്റിങ് സിസ്റ്റത്തിൽ പ്രവർത്തിക്കുമെന്നതാണ് മറ്റൊരു റിപ്പോർട്ട്. 2,340×1,080 പിക്‌സൽ റെസല്യൂഷനുള്ള 6.2 ഇഞ്ച് ഡൈനാമിക് AMOLED 2X സ്‌ക്രീനായിരിക്കും ഗാലക്‌സി എസ് 25 ബേസിക് മോഡലിൽ ഉണ്ടായിരിക്കുക. ഫോണിന് 120 ഹെട്‌സ് റിഫ്രഷ് റേറ്റ് ആയിരിക്കും നൽകുക.

ബേസിക് മോഡൽ 128 ജിബി, 256 ജിബി, 512 ജിബി എന്നിങ്ങനെ മൂന്ന് സ്റ്റോറേജ് ഓപ്ഷനുകളിൽ ലഭ്യമാകാം. 25W വയേർഡ് ചാർജിങും വയർലെസ് ചാർജിങും പിന്തുണയ്‌ക്കുന്ന 4,000 എംഎഎച്ച് ബാറ്ററിയായിരിക്കും നൽകുകയെന്നും റിപ്പോർട്ടുകളുണ്ട്. 162 ഗ്രാം ഭാരത്തിലായിരിക്കും ബേസിക് മോഡൽ പുറത്തിറക്കുക.

സാംസങ് ഗാലക്‌സി എസ്‌ 25 പ്ലസ്:

ഗാലക്‌സി എസ്‌ 25 പ്ലസിൻറെ സ്‌പെസിഫിക്കേഷനുകൾ പരിശോധിക്കുമ്പോൾ 3,120×1,440 പിക്‌സൽ റെസല്യൂഷനുള്ള 6.7 ഇഞ്ച് ഡൈനാമിക് AMOLED 2X സ്‌ക്രീനാണ് ലഭിക്കുകയെന്നാണ് സൂചന. 120 ഹെട്‌സ് റിഫ്രഷ് റേറ്റ് ആയിരിക്കും നൽകുക. 256 ജിബി, 512 ജിബി എന്നിങ്ങനെ രണ്ട് സ്റ്റോറേജ് വേരിയൻറുകളിലാവും എസ്‌ 25 പ്ലസ് ലഭ്യമാവുക. 45 വാട്ട് വയേർഡ് ചാർജിങ് പിന്തുണയ്‌ക്കുന്ന 4,900 mAh ബാറ്ററിയായിരിക്കും എസ്‌ 25 പ്ലസിന് ലഭിക്കുക.

ഗാലക്‌സി എസ്‌ 25 അടിസ്ഥാന വേരിയൻറിനും പ്ലസ് മോഡലിനും ട്രിപ്പിൾ ക്യാമറ സജ്ജീകരണമായിരിക്കും വഭിക്കുക. 50 എംപി പ്രൈമറി ക്യാമറ, 12 എംപി അൾട്രാവൈഡ് ആങ്കിൾ ലെൻസ്, ഒഐഎസോടു കൂടിയ 10 എംപി ടെലിഫോട്ടോ ക്യാമറ എന്നിവയടങ്ങുന്നതായിരിക്കും ട്രിപ്പിൾ ക്യാമറ സജ്ജീകരണം. 3x ഒപ്‌റ്റിക്കൽ സൂമും ലഭിക്കും. കൂടാതെ 2.2 അപ്പർച്ചറുള്ള 12 എംപി ഫ്രണ്ട് ക്യാമറ്യയായിരിക്കും നൽകുക.

സാംസങ് ഗാലക്‌സി എസ്‌ 25 അൾട്ര:

സാംസങ് ഗാലക്‌സി എസ്‌ 25 സീരീസിലെ ഏറ്റവും വലിയ ഫോണായ എസ് 25 അൾട്രയ്‌ക്ക് 6.9 ഇഞ്ച് വലിപ്പമുണ്ടായിരിക്കുമെന്നാണ് സൂചന. 3,120×1,440 പിക്‌സൽ റെസല്യൂഷനുള്ള ഡൈനാമിക് AMOLED 2X സ്‌ക്രീനായിരിക്കും അൾട്രാ വേരിയൻറിനും ലഭിക്കും. കൂടാതെ 120 ഹെട്‌സ് റിഫ്രഷ് റേറ്റും ഉണ്ടായിരിക്കും. 256GB, 512GB, 1TB എന്നിങ്ങനെ മൂന്ന് സ്റ്റോറേജ് ഓപ്‌ഷനുകളിലായിരിക്കും പുറത്തിറക്കുക. ബാറ്ററിയുടെ കാര്യത്തിൽ 5,000mAh കപ്പിസിറ്റിയുള്ള ബാറ്ററിയും 45 വാട്ട് വയേർഡ് ഫാസ്റ്റ് ചാർജിങുമായിരിക്കും ഫീച്ചർ ചെയ്യുക. 200 എംപി പ്രൈമറി ലെൻസും, 50 എംപി അൾട്രാ വൈഡ് ആങ്കിൾ ക്യാമറയും, 5x ഒപ്‌റ്റിക്കൽ സൂമും ഒഐഎസുമുള്ള 50 എംപി ടെലിഫോട്ടോ ലെൻസും, ഒഐഎസും 3x ഒപ്‌റ്റിക്കൽ സൂമുമുള്ള 10 എംപി ടെലിഫോട്ടോ ക്യാമറ എന്നിവയടങ്ങുന്ന ക്വാഡ് ക്യാമറ സജ്ജീകരണമാണ് എസ് 25 അൾട്ര മോഡലിലുണ്ടാകുക.

വൺ യുഐ 7

ആൻഡ്രോയിഡ് 15-ൽ നിർമ്മിച്ച സാംസങ്ങിൻ്റെ ഏറ്റവും പുതിയ സോഫ്‌റ്റ്‌വെയറായ One UI 7-ലാണ് Galaxy S25 സീരീസ് പ്രവർത്തിക്കുന്നത്. കൂടുതൽ അവബോധജന്യമായ അറിയിപ്പുകൾക്കും ടാസ്‌ക് മാനേജ്‌മെൻ്റിനുമായി രൂപകൽപ്പന ചെയ്‌തിരിക്കുന്ന ഫീച്ചറായ “നൗ ബാർ” ഈ പതിപ്പ് അവതരിപ്പിക്കുന്നു. പുതിയ ഗാലക്‌സി എഐ ടൂളുകൾക്കൊപ്പം, സ്‌മാർട്ട്‌ഫോണുകളെ കൂടുതൽ സ്‌മാർട്ടാക്കാനും ഉപയോക്തൃ സൗകര്യവും വ്യക്തിഗതമാക്കലും വർദ്ധിപ്പിക്കാനും വൺ യുഐ 7 സജ്ജീകരിച്ചിരിക്കുന്നു.

Galaxy AR: പ്രോജക്റ്റ് മോഹൻ

സ്‌മാർട്ട്‌ഫോണുകൾക്കപ്പുറം, സാംസങ്ങിൻ്റെ പ്രൊജക്‌റ്റ് മൂഹൻ എആർ ഹെഡ്‌സെറ്റ് ഒടുവിൽ അരങ്ങേറ്റം കുറിക്കും. 2024-ൽ ആദ്യമായി കളിയാക്കപ്പെട്ട ഈ ഓഗ്മെൻ്റഡ് റിയാലിറ്റി ഉപകരണം Google, Qualcomm എന്നിവയുടെ പങ്കാളിത്തത്തോടെ വികസിപ്പിച്ചെടുത്തതാണ്. 2025-ൽ പ്രതീക്ഷിക്കുന്ന ലോഞ്ച്, ഗാലക്‌സി അൺപാക്ക്ഡ്, AR വിപണിയിലേക്കുള്ള ഈ അതിമോഹ കുതിച്ചുചാട്ടത്തെക്കുറിച്ചുള്ള കൂടുതൽ വിശദാംശങ്ങൾ പങ്കിടാൻ സാംസങ്ങിന് പറ്റിയ ഘട്ടമാണ്.