വീണ്ടും അമ്മയാകാനൊരുങ്ങി ദീപിക പദുക്കോൺ; വൈറലായി ഇൻസ്റ്റ​ഗ്രാം പോസ്റ്റ്

രണ്ടാമത്തെ കുഞ്ഞ് വരുന്നതായി പ്രഖ്യാപിച്ച് ദീപിക പദുക്കോണും രൺവീർ സിങ്ങും. ഇൻസ്റ്റഗ്രാമിലൂടെയാണ് താരജോഡി ഈ സന്തോഷവാർത്ത ആരാധകരുമായി പങ്കുവെച്ചത്. മകൾ ദുവ ഒരു ഗർഭ പരിശോധനാ കിറ്റ് കൈവശം വച്ചിരിക്കുന്ന ഒരു ഫോട്ടോയാണ് ഇരുവരും പോസ്റ്റ് ചെയ്തത്.

ക്യാപ്ഷനിൽ evil eye ഇമോജികൾ മാത്രമാണ് ചേർത്തിരിക്കുന്നത്. പോസ്റ്റിന് ആരാധകരിൽ നിന്നും അഭ്യുദയകാംക്ഷികളിൽ നിന്നും വളരെ പെട്ടെന്ന് പ്രതികരണങ്ങൾ ലഭിച്ചു.

2024 സെപ്റ്റംബർ 8 ന് ആണ് ദീപികയും രൺവീറും തങ്ങളുടെ ആദ്യത്തെ പെൺകുഞ്ഞിന്റെ ജനനം ഇൻസ്റ്റാഗ്രാമിൽ ഒരു മനോഹരമായ പോസ്റ്റിലൂടെ പ്രഖ്യാപിച്ചത്. “പെൺകുഞ്ഞിന് സ്വാഗതം. 8-9-2024. ദീപികയും രൺവീറും.” എന്നായിരുന്നു ഈ പോസ്റ്റ്.

വർഷങ്ങൾ നീണ്ട പ്രണയത്തിനൊടുവിൽ 2018 ൽ ഇറ്റലിയിൽ വച്ചാണ് ദീപികയും രൺവീറും വിവാഹിതരായത്. 2024 ൽ അവർക്ക് ആദ്യമകൾ ദുവ ജനിച്ചു. ഏകദേശം രണ്ട് മാസത്തിന് ശേഷമാണ് ബോളിവുഡ് ദമ്പതികൾ മകൾക്ക് ദുവ എന്ന് പേരിട്ടത്. 2024 നവംബറിൽ അവർ മകളുടെ പേര് ഔദ്യോഗികമായി പ്രഖ്യാപിച്ചു.