ആത്മീയ നേതാവ് മഹന്ത് സ്വാമി മഹാരാജിനെ വരവേറ്റ് അബുദാബി; വിമാനത്താവളത്തിൽ വൻ വരവേൽപ്പ് നൽകി മുബാറഖ് അൽ നഹ്യാൻ

അബുദാബി: ബാപ്‌സ് ഹിന്ദു ക്ഷേത്രത്തിൻ്റെ ഉദ്ഘാടനത്തിന് മുന്നോടിയായി ഇന്ത്യയിലെ ആത്മീയ നേതാവ് മഹന്ത് സ്വാമി മഹാരാജ് ഇന്നലെ അബുദാബിയിലെത്തി. രാഷ്ട്രത്തിൻറെ അതിഥിയായാണ് സ്വാമി മഹാരാജ് അബുദബിയിൽ എത്തിയത്. യു.എ.ഇ മന്ത്രി ഷെയ്ഖ് മുബാറക്ക് അൽ നഹ്യാൻ അബുദബി വിമാനത്താവളത്തിൽ വൻ വരവേൽപ്പ് നൽകിയാണ് സ്വാമി മഹാരാജിനെ സ്വീകരിച്ചത്.

ഫെബ്രുവരി 14 ന് അബുദാബിയിലെ ആദ്യത്തെ ഹിന്ദു ക്ഷേത്രത്തിൻ്റെ ചരിത്രപരമായ ഉദ്ഘാടന ചടങ്ങിൽ അധ്യക്ഷനായാണ് ആത്മീയ നേതാവ് അബുദാബിയിലെത്തിയത്. പ്രധാനമന്ത്രി നരേന്ദ്ര മോദി ബാപ്‌സ് ഹിന്ദു ക്ഷേത്രം ഉദ്ഘാടനം ചെയ്യും. ‘യു.എ.ഇയിലേക്ക് സ്വാഗതം. താങ്കളുടെ സാന്നിധ്യത്താൽ ഞങ്ങളുടെ രാഷ്ട്രം അനുഗ്രഹീതമാണ്. നിങ്ങളുടെ ദയ ഞങ്ങളെ സ്പർശിക്കുന്നു, നിങ്ങളുടെ പ്രാർഥന ഞങ്ങൾ അനുഭവിക്കുന്നു’ മഹാരാജിനെ സ്വീകരിച്ചു കൊണ്ട് യു.എ.ഇ മന്ത്രി പറഞ്ഞു. അതേ സമയം നിങ്ങളുടെ സ്നേഹവും ആദരവും ഹൃദയ സ്പർശമാണെന്നും. യു.എ.ഇയിലെ നേതാക്കൾ മികച്ചവരും നല്ലവരും വിശാല ഹൃദയരുമാണെന്നും സ്വാമി മഹാരാജ് മറുപടി നൽകി.

ബാപ്‌സ് ഹിന്ദു മന്ദിർ മിഡിൽ ഈസ്റ്റിലെ ആദ്യത്തെ പരമ്പരാഗത ഹിന്ദു ശിലാക്ഷേത്രമായി മാറും. അബു മുറൈഖ പ്രദേശത്ത് സ്ഥിതി ചെയ്യുന്ന ഈ മഹത്തായ ഘടന, സാംസ്കാരിക സമാധാനത്തിൻ്റെയും സഹകരണത്തിൻ്റെയും ആത്മാവിനെ ഉൾക്കൊള്ളുന്നു, ഇത് ഇന്ത്യയും യുഎഇയും തമ്മിലുള്ള ശാശ്വതമായ സൗഹൃദത്തിൻ്റെ തെളിവാണെന്നും അദ്ദേഹം പറഞ്ഞു. ഭ​ര​ണ, ആ​ത്മീ​യ മേ​ഖ​ല​ക​ളി​ലെ പ്ര​മു​ഖ​രു​ടെ സാ​ന്നി​ധ്യ​ത്തി​ലാ​ണ്​ ഉ​ദ്​​ഘാ​ട​ന​ച​ട​ങ്ങ്​ അ​ര​ങ്ങേ​റു​ന്ന​ത്. രാ​വി​ലെ മു​ത​ൽ ആ​രം​ഭി​ക്കു​ന്ന ച​ട​ങ്ങി​ൽ പൂ​ജ ച​ട​ങ്ങു​ക​ളോ​ടെ ഏ​ഴ്​ ആ​രാ​ധ​ന മൂ​ർ​ത്തി​ക​ളെ പ്ര​തി​ഷ്​​ഠി​ക്കും. വൈ​കു​ന്നേ​ര​ത്തെ ച​ട​ങ്ങി​ലാ​ണ്​ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ സാ​ന്നി​ധ്യ​ത്തി​ൽ ക്ഷേ​ത്ര​ത്തി​ൻറെ സ​മ​ർ​പ്പ​ണ​ച​ട​ങ്ങ്​ ന​ട​ക്കു​ക.