പതിമൂന്നാമത് ഷാർജ ലൈറ്റ് ഫെസ്റ്റിവൽ 2024; സന്ദർശകർക്കായി വിനോദത്തിന്റെയും ഭാവനയുടെയും വാതായനം തുറന്നിട്ട് ഷാർജ

ഷാർജ:പതിമൂന്നാമത് ഷാർജ ലൈറ്റ് ഫെസ്റ്റിവൽ 2024ന്റെ ഭാ​ഗമായുള്ള ലൈറ്റ് വില്ലേജിലേക്ക് ഇന്നലെ(ഫെബ്രുവരി – 1) മുതൽ പ്രവേശനം ആരംഭിച്ചു. ഷാർജ കോമേഴ്‌സ് ആൻഡ് ടൂറിസം ഡവലപ്മെന്റ് അതോറിറ്റി (SCTDA) സംഘടിപ്പിക്കുന്ന ഈ വർണോത്സവം ഇത്തവണ ഷാർജയിൽ 12 ഇടങ്ങളിലായാണ് ഒരുക്കിയിരിക്കുന്നത്.

2024 ഫെബ്രുവരി 7 മുതൽ 18 വരെയാണ് ഇത്തവണത്തെ ഷാർജ ലൈറ്റ് ഫെസ്റ്റിവൽ സംഘടിപ്പിക്കുന്നത്. ഷാർജ ലൈറ്റ് ഫെസ്റ്റിവലിന്റെ ഭാഗമായുള്ള ലൈറ്റ് വില്ലേജിലേക്ക് 2024 ഫെബ്രുവരി 1 മുതൽ 18 വരെ പ്രവേശനം അനുവദിക്കുന്നതാണ്.

എല്ലാ പ്രായത്തിലുമുള്ള സന്ദർശകർക്കും ആസ്വദിക്കാനാകുന്ന രീതിയിലായിരിക്കും ഷാർജ ലൈറ്റ് ഫെസ്റ്റിവലിന്റെ ഭാഗമായി എമിറേറ്റിലെ പ്രധാന ഇടങ്ങളെ അണിയിച്ചൊരുക്കുന്നത്. ഞായർ മുതൽ ബുധൻ വരെയുള്ള ദിവസങ്ങളിൽ വൈകീട്ട് 6 മുതൽ രാത്രി 11 മണിവരെയും, വ്യാഴം, വെള്ളി, ശനി ദിനങ്ങളിൽ വൈകീട്ട് 6 മുതൽ രാത്രി 12 മണിവരെയും ഈ ദീപാലങ്കാരകാഴ്ചകൾ ആസ്വദിക്കാവുന്നതാണ്.

“എമിറേറ്റിലും അതിൻ്റെ ഏറ്റവും പ്രധാനപ്പെട്ട സ്ഥലങ്ങളിലും ക്രിയാത്മകവും ആകർഷകവുമായ ഇവൻ്റുകൾ നൽകിക്കൊണ്ട് ലൈറ്റ് വില്ലേജ് ഇതാ പൊതുജനങ്ങൾക്കായി ആരംഭിച്ചിരിക്കുന്നുവെന്ന് SCTDA ചെയർമാൻ ഖാലിദ് ജാസിം അൽ മിദ്ഫ പറഞ്ഞു. “വിനോദകരമായ ഫാമിലി ഡെസ്റ്റിനേഷൻ ഷാർജ നിവാസികളുടെയും സന്ദർശകരുടെയും ആവശ്യങ്ങൾ നിറവേറ്റുന്നു, അതേസമയം, ദേശീയ സമ്പദ്‌വ്യവസ്ഥയെ ഉത്തേജിപ്പിക്കുന്നതിനുള്ള യുവജന സംരംഭങ്ങളെയും ദേശീയ പദ്ധതികളെയും പിന്തുണയ്ക്കുന്നു.