കൗതുകമുണർത്തി ഒരു കഫെ; പെറ്റ് ലവേർഴ്സിന്റെ ഇഷ്ടകേന്ദ്രമായി മാറുന്ന ദുബായ് ക്യാറ്റ് കഫേ

ഒരു കോഫി കുടിക്കാനും ഹാങ്ങ് ഔട്ട് ചെയ്യാനും ഒക്കെ കഫേകളിലേക്ക് എത്തുന്നവർ നിരവധിയാണ്. അങ്ങനെയാണെങ്കിൽ പൂച്ചകൾക്ക് മാത്രമായി ഒരു കഫെയുണ്ട്. ദുബായിൽ പൂച്ചകൾക്കായുള്ള ക്യാറ്റ് കഫേകൾ ശ്രദ്ധേയമാവുകയാണ്.

മാനസിക പിരിമുറുക്കങ്ങൾ ഒക്കെ മാറ്റി ഒരൽപ്പനേരം പൂച്ചകൾക്കൊപ്പം സമയം ചിലവഴിക്കണം എന്ന് ആഗ്രഹിക്കുന്നവർക്കായി ദുബായിൽ തുടങ്ങിയ ക്യാറ്റ് കഫേകൾ ഇന്ന് ലോകപ്രശസ്തമാണ്. നിരവധി പേരാണ് ഒഴിവു സമയങ്ങളിൽ ഒക്കെ തങ്ങളുടെ മാനസിക പിരിമുറുക്കവും ഒപ്പം വളർത്തുമൃഗങ്ങളോടുള്ള സ്നേഹവും കൊണ്ട് ഈ കഫേകളിൽ എത്തുന്നത്.

അരുമയായ നല്ല ഭംഗിയുള്ള പൂച്ചക്കുട്ടികളുമായി ഹാംഗ്ഔട്ട് ചെയ്യാൻ യു.എ.ഇയിൽ മൂന്നോളം ക്യാറ്റ് കഫേകളാണ് ഒരുക്കിയിരിക്കുന്നത്. സ്വന്തമായി ഒരു പൂച്ചയില്ലെങ്കിൽ, അതിനെ വളർത്താനുള്ള സാമ്പത്തികമോ സാഹചര്യമോ നിങ്ങൾക്കില്ലെങ്കിൽ ഇത്തരം കഫെകൾ വളർത്തുമൃ​ഗങ്ങളെ സ്നേഹിക്കുന്നവർക്ക് വേണ്ടിയുള്ളതാണ്.

1. മിഡിൽ ഈസ്റ്റിലെ ആദ്യത്തെ ക്യാറ്റ് കഫേ – ഐലുറോമാനിയ ക്യാറ്റ്

കഫേ(Ailuromania Cat Cafe) നിങ്ങളുടെ പ്രിയപ്പെട്ട മൃഗത്താൽ ചുറ്റപ്പെട്ട് ഒരു മണിക്കൂർ ചിലവഴിക്കാൻ നിങ്ങൽ ആ​ഗ്രഹിക്കുന്നുവെങ്കിൽ ഏറ്റവും ഭംഗിയുള്ള പൂച്ചകളും പൂച്ചക്കുട്ടികളും ഉമ്മു സുഖീംയിലെ ഐലുറോമാനിയ ക്യാറ്റ് കഫേ, ഒരു മികച്ച ഓപ്പ്ഷനായിരിക്കും.

കഫേയ്ക്ക് ചുറ്റും കറങ്ങിനടക്കുന്ന ഏറ്റവും ഭംഗിയുള്ള പൂച്ചകളും പൂച്ചക്കുട്ടികളും അവർക്കുണ്ട്. പൂച്ചകൾക്കൊപ്പം സമയം ചിലവഴിക്കുന്നതിനൊപ്പം പിസ്സകൾ, പാസ്തകൾ, വാഫിൾസ് ഒപ്പം വെള്ളമോ ചായയോ കാപ്പിയോ കഫെയിൽ ഓർഡർ ചെയ്യാം.
വെള്ളമോ ചായയോ കാപ്പിയോ തിരഞ്ഞെടുക്കുന്നത് ഉൾപ്പെടെ 30 ദിർഹമാണ് കഫെയിലെ എൻട്രി ഫീസ്. ദിവസവും രാവിലെ 11 മുതൽ രാത്രി 10 വരെ തുറന്നിരിക്കും. ഐലുറോമാനിയ ക്യാറ്റ് കഫേ, ഉമ്മു സുഖീം, @ailuromaniacafe.

2. ക്യാറ്റ് കഫേ വൈബ്രിസെ(Cat Café Vibrissae)

ക്യാറ്റ് കഫേ വൈബ്രിസ്സെ പൂച്ചകൾ, കാപ്പി, രുചിയുള്ള ഭക്ഷണം എന്നിവ കൊണ്ട് സമൃദ്ധമാണ്. റോസ് ലാറ്റെ, പിസ്ത ലാറ്റെ, ടോഫി നട്ട് ലാറ്റെ, ഡാൽഗോണ കോഫി എന്നിവ പോലുള്ള ക്യാറ്റ് കഫേ വൈബ്രിസയുടെ സ്പെഷ്യലുകൾ ഉൾക്കൊള്ളുന്ന വിപുലമായ പാനീയ മെനുവിനൊപ്പം, താമസക്കാരായ പൂച്ചകളിൽ നിന്നുള്ള സ്നേഹവും ആവോളം ആസ്വദിക്കാൻ സാധിക്കും.
എല്ലാ ദിവസവും, ഉച്ചയ്ക്ക് 1മണി മുതൽ – രാത്രി 10 മണി വരെ തുറക്കും. അൽ സഫ പാർക്ക് കോംപ്ലക്സ്, ജുമൈറ, vibrissaecafe.com (056 966 6571).

3. മ്യാവൂ കഫേ(Meow Café)

അബുദാബിയിലെ മ്യാവൂ കഫെയും പെറ്റ് ലവേർഴ്സിന്റെ ഇഷ്ടകേന്ദ്രമാണ്. ഇവിടെ നിങ്ങൾക്ക് എല്ലാ ആകൃതിയിലും വലിപ്പത്തിലും നിറത്തിലുമുള്ള ബ്രാൻഡ്-മിയാവ് പൂച്ചകളെ കാണാൻ സാധിക്കും. കൂടാതെ ക്രോസൻ്റ്‌സ്, കേക്കുകൾ, ടിറാമിസു, മിനി പാൻകേക്കുകൾ എന്നിവ പോലെയുള്ള മധുര പലഹാരങ്ങളും കോഫികളും ആസ്വദിക്കാം. ഇവിടെ ഭക്ഷണം കഴിക്കുന്ന സ്ഥലവും പൂച്ചകളുമൊത്ത് സമയം ചിലവിടാനുള്ള ഇടവും വേറെവേറെയാണ്. ദിവസവും രാവിലെ 10 മുതൽ രാത്രി 10 വരെ തുറന്നിരിക്കും. മിയാവ് കഫേ, അൽ മുനീറ, @meowcafe.ad, meowcafe.ae/