യു.എ.ഇയിൽ മഴ കുറയുന്നു; എമിറേറ്റ് പൂർണ്ണമായും വീണ്ടെടുക്കാൻ സമയമെടുക്കുമെന്ന് സിവിൽ ഡിഫൻസ് ടീമുകൾ

ബുധനാഴ്ച വൈകുന്നേരമാണ് ‘കാലാവസ്ഥാ വ്യതിയാനങ്ങളുടെ അന്ത്യം’ യുഎഇ അധികൃതർ പ്രഖ്യാപിച്ചത്.

“ആഭ്യന്തര മന്ത്രാലയം, നാഷണൽ എമർജൻസി, ക്രൈസിസ് ആൻഡ് ഡിസാസ്റ്റർ മാനേജ്മെൻ്റ് അതോറിറ്റി, നാഷണൽ സെൻ്റർ ഓഫ് മെറ്റീരിയോളജി, തന്ത്രപരമായ പങ്കാളികൾ എന്നിവയുമായി ഏകോപിപ്പിച്ച് കാലാവസ്ഥാ വ്യതിയാനങ്ങൾ അവസാനിച്ചതായി പ്രഖ്യാപിക്കുന്നു… കാലാവസ്ഥ ക്രമേണ മെച്ചപ്പെട്ടുവെന്ന് സർക്കാർ പുറത്തിറക്കിയ പ്രസ്ഥാവനയിൽ പറയുന്നു.

അടിയന്തര പ്രതികരണ ടീമുകൾ – സിവിൽ ഡിഫൻസ്, ആംബുലൻസുകൾ, പോലീസ് എന്നിവയുൾപ്പെടെ – പൂർണ്ണമായ വീണ്ടെടുക്കൽ ഉറപ്പാക്കാൻ “തീവ്രമായ ശ്രമങ്ങൾ” തുടരുമെന്നും പ്രസ്ഥാവനയിൽ പറയുന്നു.

സമീപ വർഷങ്ങളിൽ എമിറേറ്റ്‌സിനെ തകർത്തെറിഞ്ഞ ഏറ്റവും മോശമായ മഴക്കെടുതിയാണ് രാജ്യത്തുണ്ടായത്. ചൊവ്വാഴ്‌ച ഉടനീളം നിർത്താതെ പെയ്ത മഴയിൽ വീടുകളും റോഡുകളും മാളുകളും വിമാനത്താവളങ്ങളും ആശുപത്രികളും പോലുള്ള പ്രധാന അടിസ്ഥാന സൗകര്യങ്ങളും വെള്ളത്തിനടിയിലാവുകയും നിരവധി താമസക്കാരെ ഒറ്റപ്പെടുത്തുകയും ചെയ്തു.

നാഷണൽ സെൻ്റർ ഓഫ് മെറ്റീരിയോളജിയുടെ (എൻസിഎം) അടുത്ത കുറച്ച് ദിവസങ്ങളിലെ പ്രവചനം വരാനിരിക്കുന്ന ശോഭയുള്ള ദിവസങ്ങളുടെ പ്രതീക്ഷ നൽകുന്നു.

ഇന്നത്തെ മഴയ്ക്ക് ശേഷം, NCM ൻ്റെ അഞ്ച് ദിവസത്തെ കാലാവസ്ഥാ ബുള്ളറ്റിൻ പ്രകാരം ഞായറാഴ്ച വരെ കൂടുതൽ മഴയൊന്നും പ്രവചിച്ചിട്ടില്ല.

വ്യാഴാഴ്ച മുതൽ താപനില ക്രമാതീതമായി ഉയരുമെന്നാണ് പ്രതീക്ഷിക്കുന്നത്. അടുത്ത അഞ്ച് ദിവസങ്ങളിൽ ചില പ്രദേശങ്ങളിൽ ഭാഗികമായി മേഘാവൃതമായ അവസ്ഥ നിലനിൽക്കുമെന്ന് പ്രതീക്ഷിക്കുന്നു, ശനിയാഴ്ച വരെ മൂടൽമഞ്ഞിനും സാധ്യതയുണ്ട്.