1995 നും 2019 നും ഇടയ്ക്കുള്ള നോട്ടുകൾ നിർത്തലാക്കി സെൻട്രൽ ബാങ്ക് ഓഫ് ഒമാൻ

ഒമാൻ: 1995നും 2019നും ഇടയ്ക്ക് പുറത്തിറങ്ങിയ കറൻസി നോട്ടുകൾ നിർത്തലാക്കി സെൻട്രൽ ബാങ്ക് ഓഫ് ഒമാൻ. പ്രത്യേക ബാങ്ക് നോട്ടുകൾ നിർത്തലാക്കുന്നതായി ഞായറാഴ്ചയാണ് പ്രഖ്യാപിച്ചത്.

പ്രഖ്യാപനം മുതൽ 360 ദിവസത്തെ കാലയളവിനു ശേഷം ഈ ബാങ്ക് നോട്ടുകൾ നിയമപരമായ കറൻസിയായി അംഗീകരിക്കുന്നത് അവസാനിപ്പിക്കും. പിന്നീട് ഇത് നിയമവിരുദ്ധവും വിലമതിക്കാനാവാത്തതുമായ കറൻസിയായി കണക്കാക്കും

1995 നവംബർ മുതൽ 2019 വരെ ഇഷ്യൂവുകളുള്ള 2020 ലെ ആറാം ലക്കത്തിന് മുമ്പ് പുറത്തിറക്കിയ നോട്ടുകളാണ് പിൻവലിക്കുന്നത്. 2005ൽ പുത്തിറങ്ങിയ ഒഎംആർ1 നോട്ട്(OMR 1), ഒഎംആർ 20(OMR 20), 2011-ലെയും 2012-ലെയും ഒഎംആർ50 (OMR 50), ഒഎംആർ 10(OMR 10), ഒഎംആർ 5(OMR 5) നോട്ടുകൾ എന്നിവയാണ് പിൻവലിക്കുന്നത്.

ഈ നോട്ടുകൾ കൈവശം വച്ചിരിക്കുന്ന എല്ലാ വ്യക്തികളോടും നിയുക്ത സമയപരിധിക്കുള്ളിൽ അവ മാറ്റാൻ സെൻട്രൽ ബാങ്ക് ഓഫ് ഒമാൻ (CBO) നിർദ്ദേശിച്ചിട്ടുണ്ട്.