കള്ളപ്പണം വെളുപ്പിക്കൽ; കുവൈറ്റിലെ ഭരണകുടുംബാംഗം അറസ്റ്റിൽ

ദുബായ്: കുവൈറ്റിലെ ഭരണകുടുംബാംഗത്തെ കള്ളപ്പണം വെളുപ്പിക്കൽ, കൊള്ളപ്പലിശ എന്നീ കുറ്റങ്ങൾ ചുമത്തി അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു.

ജുഡീഷ്യൽ വിധികൾ നടപ്പാക്കാനും ഒളിവിൽ പോയവരെ നിയമത്തിനു മുന്നിൽ കൊണ്ടുവരാനുമുള്ള കുവൈറ്റ് അധികൃതരുടെ നിരന്തരമായ ശ്രമങ്ങളുടെ ഭാഗമായാണ് അറസ്റ്റ്, വിപുലമായ അന്വേഷണത്തിനും വ്യക്തിയുടെ നീക്കങ്ങൾ സൂക്ഷ്മമായി നിരീക്ഷിച്ചതിനും ശേഷമാണ് അറസ്റ്റ്

ശിക്ഷാവിധിയുമായി ബന്ധപ്പെട്ട നിർബന്ധിത ജയിൽ ശിക്ഷ പ്രതി ഒഴിവാക്കുകയായിരുന്നുവെന്ന് മന്ത്രാലയത്തിൻ്റെ പ്രസ്താവന ചൂണ്ടിക്കാട്ടി.

“പണം വെളുപ്പിക്കലിനും പലിശയ്ക്കുമായി നടപ്പാക്കാവുന്ന ജയിൽ ശിക്ഷ നടപ്പാക്കുന്നതിൽ നിന്ന് ഒഴിഞ്ഞുമാറുകയായിരുന്ന ഭരണകുടുംബത്തിലെ ഒരു അംഗത്തെ സുരക്ഷാ സേവനങ്ങൾ വിജയകരമായി പിടികൂടി,” മന്ത്രാലയം അറിയിച്ചു.

കൂടുതൽ നിയമ നടപടികൾക്കായി വ്യക്തിയെ അധികാരികൾക്ക് കൈമാറി. ഭരണകുടുംബത്തിലെ അംഗങ്ങൾക്ക് സാമൂഹികമോ രാഷ്ട്രീയമോ ആയ പദവികൾ പരിഗണിക്കാതെ, നിയമം തുല്യമായി പ്രയോഗിക്കാനുള്ള കുവൈത്തിൻ്റെ വിശാലമായ പ്രതിബദ്ധതയുടെ ഭാഗമാണ് അറസ്റ്റെന്ന് അധികൃതർ ഊന്നിപ്പറഞ്ഞു.