യുഎഇയുടെ യുവജന മന്ത്രി; സുൽത്താൻ അൽ നെയാദിയെ തിരഞ്ഞെടുത്തു

യു.എ.ഇ: യു.എ.ഇയുടെ യുവജന മന്ത്രിയായി സുൽത്താൻ അൽ നെയാദിയെ തിരഞ്ഞെടുത്തു. യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം ശനിയാഴ്ച നടത്തിയ പുതിയ മന്ത്രിസ്ഥാനങ്ങളുടെ പ്രഖ്യാപനങ്ങളിലാണ് സുൽത്താൻ അൽ നെയാദിയെ തിരഞ്ഞെടുത്ത വിവരം പുറത്ത് വിട്ടത്.

കഴിഞ്ഞ വർഷം സെപ്റ്റംബറിലാണ് ദുബായ് ഭരണാധികാരി യുവജന മന്ത്രിയാകാൻ അനുയോജ്യനായ സ്ഥാനാർത്ഥിയെ അന്വേഷിച്ച് പത്രകുറിപ്പ് ഇറക്കിയത്. ആയിരക്കണക്കിന് എമിറേറ്റുകൾ മണിക്കൂറുകൾക്കുള്ളിൽ പോസ്റ്റിനുള്ള അപേക്ഷകളുമായി പ്രതികരിച്ചു.

മന്ത്രിയാകുന്ന വ്യക്തി യുഎഇയെക്കുറിച്ച് അറിവുള്ളവനായിരിക്കണമെന്നും തന്റെ രാജ്യത്തെ പ്രതിനിധീകരിക്കുന്നതിൽ ധീരനും ശക്തനുമായിരിക്കണം, മാതൃരാജ്യത്തെ സേവിക്കുന്നതിൽ അഭിനിവേശമുള്ളവനായിരിക്കണമെന്ന് ഞങ്ങൾ ആഗ്രഹിക്കുന്നു എന്നായിരുന്നു സ്ഥാനാർത്ഥികളെ ക്ഷണിച്ചു കൊണ്ട് പ്രധാനമന്ത്രി പറ‍ഞ്ഞത്.

പൊതുജനങ്ങൾ അയച്ച നാമനിർദ്ദേശ പോസ്റ്റുകളിൽ ഏറ്റവും കൂടുതൽ ഉയർന്നു കേട്ട പേര് സുൽത്താൻ അൽ നെയാദിയുടേതായിരുന്നു. “നമ്മുടെ യുവാക്കൾ അവരുടെ മണ്ണിലും ചരിത്രത്തിലും സംസ്കാരത്തിലും അവരുടെ തല ആകാശത്തിലും വേരൂന്നിയിരിക്കണമെന്ന് ഞങ്ങൾ ആഗ്രഹിക്കുന്നു.” യുവജന മന്ത്രിയായി സുൽത്താൻ അൽ നെയാദിയെ പ്രഖ്യാപിച്ചു കൊണ്ട് പ്രധാനമന്ത്രി പറഞ്ഞു.