വികസ്വര രാജ്യങ്ങളിലെ വനിതാ സംരംഭകർക്കായി 50 മില്യൺ ഡോളർ; യു.എ.ഇയിൽ പദ്ധതി പ്രഖ്യാപിച്ച് ഡബ്ല്യുടിഒ

ഡിജിറ്റൽ സമ്പദ്‌വ്യവസ്ഥ നൽകുന്ന അവസരങ്ങൾ ഉപയോഗിച്ച് കൂടുതൽ കയറ്റുമതി ചെയ്യാൻ വികസ്വര രാജ്യങ്ങളിലെ വനിതാ സംരംഭകരെ സഹായിക്കുന്നതിനായി വേൾഡ് ട്രേഡ് ഓർഗനൈസേഷൻ്റെ ഡയറക്ടർ ജനറൽ എൻഗോസി ഒകോൻജോ-ഇവേല ഞായറാഴ്ച 50 മില്യൺ ഡോളർ ഫണ്ട് നൽകുമെന്ന് പ്രഖ്യാപിച്ചു.

ഫെബ്രുവരി 29 ന് യുഎഇയിൽ ആരംഭിക്കുന്ന ഡബ്ല്യുടിഒയുടെ പതിമൂന്നാം മന്ത്രിതല സമ്മേളനത്തിന് മുന്നോടിയായാണ് പ്രഖ്യാപനം. “ഈ തകർപ്പൻ സംരംഭം… സ്ത്രീകളെ ശാക്തീകരിക്കാനുള്ള ഞങ്ങളുടെ കൂട്ടായ പ്രതിബദ്ധതയെ ഉൾക്കൊള്ളുന്നു”എമിറാത്തി വിദേശ വ്യാപാര മന്ത്രി താനി അൽ-സെയൂദിക്കൊപ്പം സംസാരിച്ച ഒകോൻജോ-ഇവാല പറഞ്ഞു.

വികസ്വര രാജ്യങ്ങളിലെ സ്ത്രീകൾ നടത്തുന്ന ബിസിനസ്സുകളെ ഡിജിറ്റൽ സാങ്കേതികവിദ്യകൾ സ്വീകരിക്കുന്നതിനും അവരുടെ ഓൺലൈൻ സാന്നിധ്യം വർദ്ധിപ്പിക്കുന്നതിനും ഫണ്ട് സഹായിക്കും.

“ഈ സംരംഭം ലോകത്തെമ്പാടുമുള്ള വനിതാ സംരംഭകരുടെയും സ്ത്രീകൾ നയിക്കുന്ന ബിസിനസുകളുടെയും അമൂല്യമായ സംഭാവനകൾ ആഘോഷിക്കാനും സാമ്പത്തിക വളർച്ചയെ നയിക്കുന്നതിൽ അവർ വഹിക്കുന്ന നിർണായക പങ്ക് തിരിച്ചറിയാനും ഞങ്ങളെ അനുവദിക്കുന്നു”. മാത്രമല്ല തൻ്റെ രാജ്യം 5 മില്യൺ ഡോളർ ഫണ്ടിലേക്ക് സംഭാവന ചെയ്യുമെന്നും സെയൂഡി പറഞ്ഞു,

ലോകജനസംഖ്യയുടെ പകുതിയോളം സ്ത്രീകളാണെങ്കിലും ആഗോള ജിഡിപിയിൽ 37 ശതമാനം മാത്രമാണ് അവർ സംഭാവന ചെയ്യുന്നതെന്നും അദ്ദേഹം പറഞ്ഞു.

പ്രഖ്യാപനത്തിൽ സൗദി അറേബ്യൻ വാണിജ്യ മന്ത്രി മജീദ് അൽ കസബിയും ഇത് ഒരു “നാഴികക്കല്ല്” എന്ന് വിളിക്കുകയും സ്ത്രീ ശാക്തീകരണത്തെ പിന്തുണയ്ക്കുന്നതിന് തൻ്റെ രാജ്യം “പൂർണ പിന്തുണ” നൽകുന്നുവെന്ന് പറയുകയും ചെയ്തു.