ഗവൺമെൻ്റ് സ്‌കൂളുകളിലെ എല്ലാ വിദ്യാർത്ഥികളുടെ കടവും അടച്ചുതീർക്കാൻ ഉത്തരവിട്ട് യുഎഇ പ്രസിഡൻ്റ്

പബ്ലിക് സ്കൂൾ വിദ്യാർത്ഥികളുടെ എല്ലാ കടങ്ങളും അടച്ചുതീർക്കാൻ പ്രസിഡൻ്റ് ഷെയ്ഖ് മുഹമ്മദ് വ്യാഴാഴ്ച ഉത്തരവിട്ടു.

യുവാക്കളുടെ വിദ്യാഭ്യാസത്തെ പിന്തുണയ്ക്കാൻ ലക്ഷ്യമിട്ടുള്ള സംരംഭത്തിൻ്റെ ഭാഗമായി 155 മില്യൺ ദിർഹം മൂല്യമുള്ള അടയ്‌ക്കപ്പെടാത്ത കുടിശ്ശികകൾ ക്ലിയർ ചെയ്യുമെന്ന് സർക്കാർ നടത്തുന്ന വാർത്താ ഏജൻസിയായ വാമിൻ്റെ റിപ്പോർട്ട് പറയുന്നു.

എമിറേറ്റ്‌സ് സ്‌കൂൾ എസ്റ്റാബ്ലിഷ്‌മെൻ്റുമായി സഹകരിച്ച് നടപ്പാക്കുന്ന ഈ സംരംഭം രാജ്യത്ത് താമസിക്കുന്നതും സർക്കാർ സ്‌കൂളുകളിൽ രജിസ്റ്റർ ചെയ്തിട്ടുള്ളതുമായ വിദ്യാർത്ഥികൾക്ക് പ്രയോജനപ്പെടും.

2023-2024 അധ്യയന വർഷം വരെയുള്ള എല്ലാ കടങ്ങളും ഇത് കവർ ചെയ്യും, റിപ്പോർട്ട് കൂട്ടിച്ചേർത്തു.