തീവ്രവാദ ഗ്രൂപ്പുകളുടെ സൈബർ ആക്രമണ ശ്രമങ്ങൾ സൈബർ സുരക്ഷാ കൗൺസിൽ പരാജയപ്പെടുത്തിയതായി യു.എ.ഇ

അബുദാബി: രാജ്യത്തെ സുപ്രധാനവും തന്ത്രപ്രധാനവുമായ നിരവധി മേഖലകൾ ലക്ഷ്യമിട്ട് ഭീകര സംഘടനകൾ നടത്തിയ സൈബർ ആക്രമണങ്ങളെ ദേശീയ സൈബർ സംവിധാനങ്ങൾ വിജയകരമായി പരാജയപ്പെടുത്തിയതായി യുഎഇ സൈബർ സുരക്ഷാ കൗൺസിൽ സ്ഥിരീകരിച്ചു.

എല്ലാ ബന്ധപ്പെട്ട അധികാരികളുമായും സഹകരിച്ച് സൈബർ എമർജൻസി സംവിധാനങ്ങൾ രാജ്യവ്യാപകമായി സജീവമാക്കിയതായും കൗൺസിൽ അറിയിച്ചു.

ഈ തീവ്രവാദ സൈബർ ആക്രമണങ്ങളെ പ്രൊഫഷണലായി, കാര്യക്ഷമമായും, മുൻകരുതലോടെയും ചെറുക്കാനും രാജ്യത്തിൻ്റെ സുരക്ഷയെയും അതിൻ്റെ കഴിവുകളെയും തകർക്കാൻ ആഗ്രഹിക്കുന്ന ആരെയും തടയാനും ഈ സംവിധാനങ്ങൾക്ക് കഴിഞ്ഞുവെന്നും ഈ ഭീകര സംഘടനകളുടെ ഐഡൻ്റിറ്റികളും അവരുടെ സൈബർ ആക്രമണങ്ങളുടെ സ്ഥലവും സംരക്ഷണ സംവിധാനങ്ങൾക്കും സൈബർ സുരക്ഷാ നയങ്ങൾക്കും അനുസൃതമായി കണ്ടെത്തി കൈകാര്യം ചെയ്തിട്ടുണ്ടെന്ന് കൗൺസിൽ ചൂണ്ടിക്കാട്ടി.

എല്ലാ ദേശീയ ടീമുകളും ഇക്കാര്യത്തിൽ രാജ്യത്തിൻ്റെ ഡിജിറ്റൽ ആവാസവ്യവസ്ഥയെ ശക്തിപ്പെടുത്തുന്നതിൽ തുടർന്നും പ്രവർത്തിക്കുന്നുവെന്ന് കൗൺസിൽ ചൂണ്ടിക്കാട്ടി.

എല്ലാ സൈബർ ആക്രമണങ്ങളെയും സൂക്ഷമതയോടെയും വേഗത്തിലും കൈകാര്യം ചെയ്യാൻ കഴിവുള്ള അതിനൂതനമായി വികസിപ്പിച്ച ഡിജിറ്റൽ ഇൻഫ്രാസ്ട്രക്ചർ യുഎഇയിലുണ്ടെന്ന് കൗൺസിൽ കൂട്ടിച്ചേർത്തു.