യുഎഇയിൽ വെള്ളിയാഴ്ച മുതൽ ചൊവ്വാഴ്ച വരെ അഞ്ച് ദിവസത്തേക്ക് മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥ നിരീക്ഷണ കേന്ദ്രം അറിയിച്ചു. ഈ ദിവസങ്ങളിൽ രാജ്യത്തിന്റെ വിവിധ ഭാഗങ്ങളിൽ ഒറ്റപ്പെട്ട മഴയും ഇടിമിന്നലും അനുഭവപ്പെട്ടേക്കാം.
തെക്കുനിന്ന് വ്യാപിക്കുന്ന ന്യൂനമർദ്ദമാണ് ഈ കാലാവസ്ഥാ വ്യതിയാനങ്ങൾക്ക് കാരണം. വടക്ക്, കിഴക്കൻ എമിറേറ്റുകളെയാണ് മഴ പ്രധാനമായും ബാധിക്കാൻ സാധ്യത. ഉൾപ്രദേശങ്ങളിലും പടിഞ്ഞാറൻ മേഖലകളിലും മഴയെത്താനും സാധ്യതയുണ്ട്.
മഴ ലഭിക്കുന്ന സാഹചര്യത്തിൽ രാജ്യത്തെ താപനിലയിൽ കുറവുണ്ടാകും. കാറ്റിന്റെ ദിശയിൽ മാറ്റം വരികയും ചില സമയങ്ങളിൽ ശക്തമായി വീശുകയും പൊടിപടലങ്ങൾ ഉയരുകയും ചെയ്യാൻ സാധ്യതയുണ്ട്. അറബിക്കടലും ഒമാൻ ഉൾക്കടലും പ്രക്ഷുബ്ധമാകാൻ സാധ്യതയുള്ളതിനാൽ കടൽ യാത്ര ചെയ്യുന്നവർ അതീവ ശ്രദ്ധ പുലർത്തണമെന്ന് അധികൃതർ മുന്നറിയിപ്പ് നൽകി.
+ There are no comments
Add yours