യു.എ.ഇ: 2024 ജനുവരി 1 മുതൽ, സ്വകാര്യ മേഖലയിലെ കമ്പനികൾ, ഗാർഹിക തൊഴിലാളികൾ, റിക്രൂട്ട്‌മെന്റ് ഏജൻസികൾ എന്നിവയുമായി ബന്ധപ്പെട്ട 50,000 ദിർഹമോ അതിൽ കുറവോ ഉൾപ്പെടുന്ന തർക്കങ്ങൾ മാനവ വിഭവശേഷി, എമിറേറ്റൈസേഷൻ മന്ത്രാലയം കൈകാര്യം ചെയ്യും.
പുതിയ നിയമനിർമ്മാണം ഏറെക്കാലമായി നിയമത്തിന്റെ നൂലാമാലകളിൽ പെട്ട പരിഹാരം കാണാത്ത പ്രശ്നങ്ങളുമായി തൊഴിൽ മന്ത്രാലയത്തെ സമീപിക്കുന്നവർക്ക് ഏറെ സഹായകരമാകും
2023ലെ ഫെഡറൽ ഡിക്രി-നിയമങ്ങൾ നമ്പർ 20, നമ്പർ 21 അനുസരിച്ച്, കേസിൽ മന്ത്രാലയത്തിന്റെ തീരുമാനത്തിനെതിരെ 15 പ്രവൃത്തി ദിവസങ്ങൾക്കുള്ളിൽ ഏതെങ്കിലും കക്ഷിക്ക് അപ്പീൽ നൽകാം, ഇത് മൂന്ന് പ്രവൃത്തി ദിവസങ്ങൾക്കുള്ളിൽ കോടതിയിൽ വാദം കേൾക്കുന്നതിന് ഇടയാക്കും. 50,000 ദിർഹത്തിൽ കൂടുതലുള്ള തർക്കങ്ങൾക്ക് മന്ത്രാലയം സൗഹാർദ്ദപരമായ ഒത്തുതീർപ്പിന് ശ്രമിക്കും, വിജയിച്ചില്ലെങ്കിൽ, 15 പ്രവൃത്തി ദിവസങ്ങൾക്കുള്ളിൽ കോടതിയെ സമീപിക്കും.
തൊഴിൽ തർക്ക പരിഹാരങ്ങൾ വേഗത്തിലാക്കാനും നിയമപരമായി പ്രോത്സാഹിപ്പിക്കാനും ക്രമരഹിത തൊഴിലാളികളുടെ എണ്ണം കുറയ്ക്കാനും ഈ ഭേദഗതികൾ ലക്ഷ്യമിടുന്നു.
+ There are no comments
Add yours