ഈ വർഷത്തെ റമദാൻ തീയ്യതി പുറത്ത്‍വിട്ടു; യു.എ.ഇയിൽ അഞ്ച് ദിവസത്തെ അവധി ലഭിച്ചേക്കും

യു.എ.ഇ: പുണ്യമാസമായ റമദാൻ എന്ന് തുടങ്ങുമെന്ന തീയ്യതി പുറത്ത് വിട്ടു. പ്രാദേശിക റിപ്പോർട്ടുകൾ പ്രകാരം 2024 മാർച്ച് 11 ന് 30 ദിവസത്തെ ദൈർഘ്യമുള്ള റമദാൻ ആരംഭിക്കുമെന്ന് പ്രതീക്ഷിക്കുന്നു.

2024-ലെ റമദാൻ, ഈദ് അൽ ഫിത്തർ എന്നിവയുടെ തീയതികൾ എമിറേറ്റ്‌സ് അസ്ട്രോണമി സൊസൈറ്റിയാണ് വെളിപ്പെടുത്തിയത്. ഇസ്ലാമിക ഹിജ്രി കലണ്ടർ അടിസ്ഥാനമാക്കിയാണ് തീയ്യതി കണക്ക്കൂട്ടിയത്.

ദുബായിൽ റമദാനിന്റെ ആദ്യ ദിവസം 05:14 ന് ഫജ്ർ (പ്രഭാതം) പ്രാർത്ഥനയ്ക്കും 18:26ന് മഗ്‌രിബ്നും (സൂര്യാസ്തമയത്തിനും) സാക്ഷ്യം വഹിക്കും. പരമ്പരാഗതമായി റമദാനിന്റെ ആരംഭം യു.എ.ഇ ചന്ദ്ര കാഴ്ച കമ്മിറ്റി ആണ് സ്ഥിരീകരിക്കുന്നത്. വിശുദ്ധ മാസത്തിന്റെ ആരംഭത്തെ പ്രതീകപ്പെടുത്തുന്ന ചന്ദ്രക്കല കാണുന്നതിന്റെ ഉത്തരവാദിത്തവും അവർക്കാണ്.

ഇസ്ലാമിക വിശുദ്ധ മാസത്തിൽ, യു.എ.ഇയിലെ ജീവനക്കാർക്ക് രാജ്യത്തെ തൊഴിൽ നിയമം അനുസരിച്ച് ജോലി സമയം കുറയും. സ്വകാര്യ മേഖലയിലെ ജീവനക്കാർ സാധാരണയായി ഒരു ദിവസം എട്ട് മണിക്കൂർ ജോലി ചെയ്യുമ്പോൾ, ഈ കാലയളവ് വിശുദ്ധ മാസത്തിൽ ആറ് മണിക്കൂറായി കുറയുന്നു.

ഈ വർഷം, റമദാൻ 29 ഏപ്രിൽ 9 ന് വരുകയാണെങ്കിൽ, ഏപ്രിൽ 9 തിങ്കളാഴ്ച മുതൽ ഏപ്രിൽ 12 വെള്ളി വരെ യു.എ.ഇയിൽ അഞ്ച് ദിവസത്തെ അവധിയുണ്ടാകുമെന്നാണ് കരുതുന്നത്.