ഇനി ബഹിരാകാശയാത്ര വിമാനയാത്ര പോലെ എളുപ്പം; സ്വപ്ന പദ്ധതികളുമായി യുഎഇ

യുഎഇ; ബഹിരാകാശ യാത്രയെ ഒരു സാധാരണ യാത്രയാക്കാനുള്ള തീവ്ര ശ്രമത്തിലാണ് യുഎഇ. ഒരു വിമാന യാത്രയിലേതിന് സമാനമായി വളരെ വേ​ഗത്തിൽ ബഹിരാകശത്തേക്ക് ഒരു സാധാരണ യാത്രയാണ് ലക്ഷ്യമിടുന്നത്. കൂടുതൽ വിമാന കമ്പനികൾ ബഹിരാകാശത്ത് ആളുകളെ എത്തിക്കുന്നതിന് കൂടുതൽ മെച്ചപ്പെട്ട സേവനങ്ങൾ വാഗ്ദാനം ചെയ്യുന്നു. ബഹിരാകാശയാത്ര പദ്ധതി ടൂറിസം മേഖലയ്ക്ക് കൂടുതൽ ഉപകാരപ്രദമാകുമെന്നാണ് യുഎഇയുടെ കണക്ക് കൂട്ടൽ

യുഎഇയുടെ 52-ാമത് ദേശീയ ദിനത്തിന് മുന്നോടിയായി ബഹിരാകാശ ദൗത്യം വിജയകരമാക്കി തിരിച്ചെത്തിയ സുൽത്താൻ അൽ നെയാദിയുടെ വിജയാഘോഷം നടക്കുന്ന ചടങ്ങിൽ എമിറേറ്റ്‌സിന്റെ ഒരു മുതിർന്ന ഉദ്യോഗസ്ഥൻ നടത്തിയ ബഹിരാകാശയാത്ര സംബന്ധിച്ചുള്ള ചില വിലയിരുത്തലുകളാണ് യുഎഇ യുടെ ഈ ആശയത്തിന് പിന്നിൽ.

“ബഹിരാകാശത്തെക്കുറിച്ച് കൂടുതൽ അറിയാൻ ഞങ്ങൾ കൂടുതൽ പര്യവേക്ഷണം ചെയ്യുന്നു, കൂടുതൽ ആളുകളെ ബഹിരാകാശത്തേക്ക് കൊണ്ടുപോകാൻ ആഗ്രഹിക്കുന്നു.” പദ്ധതിയെ കുറിച്ച് എമിറേറ്റ്‌സ് ചീഫ് ഓപ്പറേറ്റിംഗ് ഓഫീസർ അദേൽ അൽ റെദ (Adel Al Redha) പറയുന്നു.