ദുബായ്: 2,000ത്തോളം സർക്കാർ നടപടിക്രമങ്ങൾ റദ്ദാക്കാനും ഒരു വർഷത്തിനുള്ളിൽ അനാവശ്യ ബ്യൂറോക്രസി നടപടികൾ നീക്കം ചെയ്യാനും സീറോ ഗവൺമെൻ്റ് ബ്യൂറോക്രസി പ്രോഗ്രാമിന്റെ ഭാഗമായി (ZGB) യു എ ഇ വൈസ് പ്രസിഡൻ്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം(His Highness Sheikh Mohammed Bin Rashid Al Maktoum) ഉത്തരവിട്ടു.
അനാവശ്യമായ ബ്യൂറോക്രാറ്റിക് നടപടിക്രമങ്ങൾ നീക്കം ചെയ്യുന്നതിൽ മികവ് പുലർത്തുന്ന സർക്കാർ ജീവനക്കാർക്കോ ടീമുകൾക്കോ ഒരു മില്യൺ ദിർഹം ഇൻസെൻ്റീവ് ബോണസും ഷെയ്ഖ് മുഹമ്മദ് പ്രഖ്യാപിച്ചു. അനാവശ്യ സർക്കാർ നടപടിക്രമങ്ങളും ആവശ്യകതകളും ഇല്ലാതാക്കാൻ ശ്രമിക്കുന്ന ZGB പ്രോഗ്രാം 30 ഫെഡറൽ സർക്കാർ സ്ഥാപനങ്ങളുടെ സാന്നിധ്യത്തിൽ ആരംഭിച്ചു.
പ്രോഗ്രാമിന് കീഴിൽ, സർക്കാർ സ്ഥാപനങ്ങളെ ഉത്തരവ് നടപ്പാക്കാൻ ചുമതലപ്പെടുത്തി. അതിൽ കുറഞ്ഞത് 2,000 സർക്കാർ നടപടികളെങ്കിലും റദ്ദാക്കുക, നടപടിക്രമങ്ങൾക്ക് ആവശ്യമായ സമയം പകുതിയായി കുറയ്ക്കുക, ഒരു വർഷത്തിനുള്ളിൽ അനാവശ്യമായ എല്ലാ ബ്യൂറോക്രസികളെയും നീക്കം ചെയ്യുക എന്നിവയാണ് ഉത്തരവിൽ പറ‍ഞ്ഞിരിക്കുന്ന കാര്യങ്ങൾ
“30 ഫെഡറൽ സ്ഥാപനങ്ങളുടെ സാന്നിധ്യത്തിൽ, സർക്കാർ ബ്യൂറോക്രസി ഇല്ലാതാക്കാൻ ഞങ്ങൾ ഒരു പുതിയ പ്രോഗ്രാം ആരംഭിച്ചു. സീറോ ഗവൺമെൻ്റ് ബ്യൂറോക്രസി പ്രോഗ്രാമിന് കീഴിൽ, ഒരു വർഷത്തിനുള്ളിൽ 2,000 നടപടിക്രമങ്ങൾ റദ്ദാക്കാനും സേവന കാലയളവ് 50 ശതമാനം കുറയ്ക്കാനും സർക്കാർ ഏജൻസികളെ ചുമതലപ്പെടുത്തുന്നു, ”ഷൈഖ് മുഹമ്മദ് തൻ്റെ ഔദ്യോഗിക എക്‌സ് അക്കൗണ്ടിലെ ഒരു പോസ്റ്റിൽ പറഞ്ഞു.
നൂറുകണക്കിന് സേവനങ്ങൾ നവീകരിക്കാൻ സർക്കാർ സ്ഥാപനങ്ങളും പ്രവർത്തിക്കും. അവരുടെ നടപടിക്രമങ്ങൾ കുറയ്ക്കുന്നതിൽ വിജയിക്കുന്ന ടീമുകൾക്ക് ഞങ്ങൾ ഇൻസെൻ്റീവുകൾ അനുവദിച്ചിട്ടുണ്ട്. അനാവശ്യ നടപടിക്രമങ്ങൾ കുറയ്ക്കുന്നതിലും ഒഴിവാക്കുന്നതിലും മികവ് പുലർത്തുന്ന ജീവനക്കാർക്കോ ടീമുകൾക്കോ ഞങ്ങൾ 1 മില്യൺ ദിർഹം വരെ ഇൻസെൻ്റീവ് ബോണസ് പ്രഖ്യാപിച്ചു,” വൈസ് പ്രസിഡൻ്റ് വ്യക്തമാക്കി.
“ആളുകളുടെ ജീവിതം സുഗമമാക്കുക, അവരുടെ സുഖസൗകര്യങ്ങൾ ഉറപ്പാക്കുക, അവർക്ക് യുഎഇയിൽ അർഹമായ ലോകോത്തര സർക്കാർ സേവനങ്ങൾ നൽകുക എന്നിവയാണ് ഞങ്ങളുടെ ലക്ഷ്യം. സേവനങ്ങൾ നൽകുന്നതിൽ ലോകത്തിലെ ഏറ്റവും മികച്ച സർക്കാരാകുക എന്നതാണ് ഞങ്ങളുടെ ലക്ഷ്യം, ”ഷെയ്ഖ് മുഹമ്മദ് കൂട്ടിച്ചേർത്തു.
ലളിതവും വേഗമേറിയതും കൂടുതൽ കാര്യക്ഷമവുമായ സർക്കാർ നടപടിക്രമങ്ങൾ വികസിപ്പിക്കാനും പ്രോഗ്രാം സജ്ജീകരിച്ചിരിക്കുന്നു. സമാന നടപടിക്രമങ്ങളുടെ ഏകീകരണം, അമിതമായ നടപടികൾ നീക്കം ചെയ്യൽ, സേവന വിതരണം ത്വരിതപ്പെടുത്തൽ എന്നിവയിൽ ശ്രദ്ധ കേന്ദ്രീകരിക്കുന്നതിലൂടെ, യുഎഇ സർക്കാർ അതിൻ്റെ നടപടിക്രമങ്ങളുടെ ഭരണത്തിൽ അസാധാരണമായ നേട്ടം കൈവരിച്ചിട്ടുണ്ട്.
മന്ത്രാലയങ്ങളിൽ നിന്നും ഫെഡറൽ സ്ഥാപനങ്ങളിൽ നിന്നുമുള്ള സർക്കാർ നടപടിക്രമങ്ങളുടെ ഫലപ്രാപ്തി വർദ്ധിപ്പിക്കുന്നതിലൂടെ യുഎഇയുടെ നേതൃത്വം ആഗോള മത്സരാധിഷ്ഠിത റാങ്കിംഗിൽ അതിൻ്റെ നിലയും വർദ്ധിപ്പിക്കാൻ ZGB പ്രോഗ്രാമിലൂടെ പരിശ്രമിക്കും.
+ There are no comments
Add yours