റമദാനിൽ പെയ്ഡ് പബ്ലിക് പാർക്കിംഗ് സമയം നീട്ടിയതായി ഷാർജ

റമദാൻ മാസത്തിൽ ഷാർജയിലെ പൊതു പാർക്കിങ് സമയം നീട്ടിയതായി മുനിസിപ്പാലിറ്റി അധികൃതർ അറിയിച്ചു. എല്ലാ ദിവസവും രാവിലെ 8 മുതൽ അർദ്ധരാത്രി വരെ പാർക്കിങ് ഫീസ് ബാധകമാകുമെന്ന് മുനിസിപ്പാലിറ്റി വ്യക്തമാക്കി.

പാർക്കുകൾ എല്ലാ ദിവസവും വൈകുന്നേരം 4 മുതൽ അർധരാത്രി വരെ പ്രവർത്തിക്കും. അൽ സെയൂ ഫാമിലി പാർക്ക്, അൽ സെയൂ ലേഡീസ് പാർക്ക്, ഷാർജ നാഷണൽ പാർക്ക്, അൽ റോള പാർക്ക് എന്നിവ വൈകുന്നേരം 4 മുതൽ പുലർച്ചെ 1 വരെ പ്രവർത്തിക്കുമെന്ന് അധികൃതർ അറിയിച്ചു.

ഭക്ഷ്യ സ്ഥാപനങ്ങൾ സൂക്ഷ്മമായി നിരീക്ഷിക്കുന്നതിനും പരിശോധിക്കുന്നതിനുമുള്ള സമഗ്ര പദ്ധതികൾ നടപ്പിലാക്കാൻ തുടങ്ങിയതായി മുനിസിപ്പാലിറ്റി അധികൃതർ പറഞ്ഞു. ഇതുൾപ്പെടെയുള്ള കാര്യങ്ങളുടെ മേൽനോട്ടത്തിന് 380 ഇൻസ്പെക്ടർമാരുടെ ഒരു സംഘത്തെ നിയോഗിച്ചിട്ടുണ്ട്.

റസ്റ്റോറൻറുകൾക്ക് പുണ്യമാസത്തിൽ ഭക്ഷണം പാകം ചെയ്യുന്നതിനും പ്രദർശിപ്പിക്കുന്നതിനുമുള്ള അനുമതിക്കായി ഇപ്പോൾ അപേക്ഷിക്കാം. ഏറ്റവും പുതിയ ജ്യോതിശാസ്ത്ര കണക്കുകൂട്ടലുകൾ അനുസരിച്ച്, ഇസ്ലാമിക പുണ്യമാസം മാർച്ച് 1 ശനിയാഴ്ച ആരംഭിക്കുമെനാണ് പ്രതീക്ഷ.

ഫെബ്രുവരി 17 ന്, വിശുദ്ധ മാസത്തിൽ ഭക്ഷണം പാകം ചെയ്യുന്നതിനും പ്രദർശിപ്പിക്കുന്നതിനുമുള്ള പെർമിറ്റിന് റെസ്റ്റോറൻ്റുകൾക്ക് അപേക്ഷിക്കാൻ കഴിയുമെന്ന് അതോറിറ്റി അറിയിച്ചു. വിവിധ ചാനലുകൾ വഴി അപേക്ഷിക്കാമെന്നും ഇത് വ്യക്തമാക്കി.

കുറച്ച് ദിവസങ്ങൾക്ക് ശേഷം, മുനിസിപ്പാലിറ്റി റമദാനിൽ അർദ്ധരാത്രിക്ക് ശേഷം ജോലി ചെയ്യുന്നതിനായി രാത്രി വൈകിയുള്ള ബിസിനസ്സുകൾക്കുള്ള അപേക്ഷകൾ സ്വീകരിക്കാൻ തുടങ്ങി.

ഏറ്റവും പുതിയ ജ്യോതിശാസ്ത്ര കണക്കുകൂട്ടലുകളെ അടിസ്ഥാനമാക്കി, ഇസ്ലാമിക വിശുദ്ധ മാസം മാർച്ച് 1 ശനിയാഴ്ച ആരംഭിക്കുമെന്ന് പ്രതീക്ഷിക്കുന്നു, ഇത് മുഴുവൻ 30 ദിവസങ്ങൾ നീണ്ടുനിൽക്കുമെന്ന് പ്രതീക്ഷിക്കുന്നു.