അബുദാബി: നഗരത്തിലെ റോഡുകളിൽ അപകടകരമായി സ്റ്റണ്ടുകൾ കാണിക്കുന്നതിനെതിരെ അബുദാബി പോലീസ് വീണ്ടും മുന്നറിയിപ്പ് നൽകി,അശ്രദ്ധമായി വാഹനമോടിച്ചാൽ കനത്ത പിഴയും ബ്ലാക്ക് പോയിന്റുകളും ലൈസൻസ് റദ്ദാക്കൽ ഉൾപ്പെടെ നടക്കുമെന്ന് അബുദാബി പോലീസ് മുന്നറിയിപ്പ് നൽകി.
അബുദാബി റോഡുകളിൽ ഡ്രൈവർമാർ തങ്ങളുടെ ഫോർ വീലറിൽ സ്റ്റണ്ട് ചെയ്യുന്ന വീഡിയോ അതോറിറ്റി സോഷ്യൽ മീഡിയയിൽ പോസ്റ്റ് ചെയ്തു.
വീഡിയോയുടെ ആദ്യഭാഗത്ത്, എസ്‍യുവി വാഹനമോടിക്കുന്നയാൾ റോഡിൽ അപകടകരമായി ‘സ്കീയിംഗ്’ എന്ന് വിളിക്കപ്പെടുന്ന ഒരു സ്റ്റണ്ട് നടത്തുന്നു. ഇവിടെ രണ്ട് ചക്രങ്ങളിൽ മാത്രം ബാലൻസ് ചെയ്താണ് കാർ ഓടിക്കുന്നത്. അതിനിടെ, മറ്റൊരു വാഹനമോടിക്കുന്നയാൾ ഡോനട്ട് ചെയ്യുന്നതും വീഡിയോയിൽ കാണാം. മറ്റൊരു ഡ്രൈവർ അതിവേഗത്തിൽ വാഹനമോടിക്കുകയും വാഹനത്തിന്റെ പിൻ ടയറുകളിൽ പുക വരുത്തുകയും സ്കിഡ് ചെയ്യുകയും ചെയ്യുന്നു.
അശ്രദ്ധമായി വാഹനമോടിക്കുന്നതിനും അപകടകരമായ സ്റ്റണ്ടുകൾ നടത്തുന്നതിനും 2000 ദിർഹം പിഴയും 23 ബ്ലാക്ക് പോയിന്റുകളും ലഭിക്കുമെന്ന് അതോറിറ്റി മുന്നറിയിപ്പ് നൽകി. കൂടാതെ വാഹനം 60 ദിവസത്തേക്ക് കണ്ടുകെട്ടുമെന്നും വാഹനം മോചിപ്പിക്കാൻ 50,000 ദിർഹം നൽകണമെന്നും പോലീസ് കൂട്ടിച്ചേർത്തു.
+ There are no comments
Add yours