യു.എ.ഇ: പ്രാദേശികമായും ആഗോളമായും ആയിരക്കണക്കിന് നോമ്പുകാരെയും ദരിദ്രരായ വ്യക്തികളെയും സഹായിക്കുന്നതിനായി 160 ദശലക്ഷം ദിർഹം സമാഹരിക്കുക എന്ന ലക്ഷ്യത്തോടെ ദാർ അൽ ബെർ സൊസൈറ്റി വ്യാഴാഴ്ച ഒരു സുപ്രധാന റമദാൻ ക്യാമ്പയിൻ ആരംഭിച്ചു.
യു.എ.ഇ നേതൃത്വത്തിൻ്റെ ചാരിറ്റബിൾ നിർദ്ദേശങ്ങൾക്ക് അനുസൃതമായി റമദാനിൽ ദരിദ്രരെ സഹായിക്കുന്നതിൽ ക്യാമ്പയിൻ്റെ ശ്രദ്ധ കേന്ദ്രീകരിച്ചതായി ദാർ അൽ ബെറിൻ്റെ സിഇഒ ഡോ. മുഹമ്മദ് സുഹൈൽ അൽ മുഹൈരി പറഞ്ഞു.
സൊസൈറ്റിയുടെ ആസ്ഥാനത്ത് പ്രാദേശിക മാധ്യമങ്ങളെ അഭിസംബോധന ചെയ്തുകൊണ്ട്, ഡോ. അൽ മുഹൈരി അവരുടെ റമദാൻ ക്യാമ്പയിൻ്റെ ‘ഓ നന്മ തേടുന്നവനേ, മുന്നോട്ട് വരൂ’, എന്ന രൂപരേഖ പ്രദർശിപ്പിച്ചു.
നോമ്പ് അനുഷ്ഠിക്കുന്ന വ്യക്തികൾ, അഗതികൾ, അനാഥർ, രോഗികൾ, വിധവകൾ തുടങ്ങി വിവിധ ദുർബല വിഭാഗങ്ങളെ സഹായിക്കാനുള്ള ദൗത്യത്തെ വിശദീകരിക്കുന്നതാണ് രൂപ രേഖ.
നാല് സീസണൽ പ്രോജക്ടുകൾ ഉൾപ്പെടെ 16 ചാരിറ്റി പ്രോജക്ടുകളും സംരംഭങ്ങളും റമദാൻ ക്യാമ്പയിനിൽ ഉൾപ്പെടുന്നു. യുഎഇയിൽ ആകെ കണക്കാക്കിയ ചെലവ് 5,150,000 ദിർഹമാണ്, ഇത് 366,450 വ്യക്തികൾക്ക് പ്രയോജനം ചെയ്യുന്നു, അതേസമയം രാജ്യത്തിന് പുറത്ത് ചെലവ് 4,773,750 ദിർഹം ആണ്, ഇത് 579,853 ഗുണഭോക്താക്കളെ പിന്തുണയ്ക്കുന്നു.
ഈ വർഷത്തെ റമദാൻ പദ്ധതികളുടെ പാക്കേജിൽ സീസണൽ, വാർഷിക സകാത്ത് അൽ-ഫിത്തർ പദ്ധതികൾ പോലുള്ള വിവിധ സംരംഭങ്ങളും ഉൾപ്പെടുന്നു. രാജ്യത്തിനകത്ത്, ഒരു മില്യൺ ദിർഹം ചെലവിൽ 7,700 ഗുണഭോക്താക്കൾക്ക് സകാത്ത് അൽ-ഫിത്തർ പദ്ധതിയുടെ പ്രയോജനം ലഭിക്കുന്നു.
രാജ്യത്തിന് പുറത്ത്, 2,200,000 ദിർഹം ചെലവിൽ 267,500 ഗുണഭോക്താക്കൾക്ക് സകാത്ത് അൽ-ഫിത്തർ പദ്ധതി സേവനം നൽകുന്നു. കൂടാതെ, ഈദ് അൽ-ഫിത്തർ വസ്ത്ര പദ്ധതി രാജ്യത്തിനകത്ത് 450 കുടുംബങ്ങൾക്ക് പ്രയോജനം ചെയ്യുന്നു.
ജീവകാരുണ്യവും മാനുഷികവുമായ ലക്ഷ്യങ്ങൾ നിറവേറ്റുന്നതിനായി റമദാൻ ക്യാമ്പയിനെ പിന്തുണയ്ക്കാൻ മനുഷ്യസ്‌നേഹികളോട് കൈകോർക്കണമെന്ന് ഡോ. അൽ മുഹൈരി അഭ്യർത്ഥിച്ചു. ദാർ അൽ ബറിൻ്റെ വെബ്‌സൈറ്റിലൂടെയും സ്മാർട്ട് ആപ്ലിക്കേഷനുകളിലൂടെയും സംഭാവനകൾ പ്രോത്സാഹിപ്പിക്കുന്നതിലൂടെ ദരിദ്രരെ സഹായിക്കേണ്ടതിൻ്റെയും അവരുടെ ആവശ്യങ്ങൾ നിറവേറ്റുന്നതിൻ്റെയും പ്രാധാന്യം അദ്ദേഹം ഊന്നിപ്പറഞ്ഞു. കൂടാതെ, ഷോപ്പിംഗ് സെൻ്ററുകളിലെ പ്രതിനിധികൾ വഴിയോ രാജ്യത്തുടനീളമുള്ള സൊസൈറ്റിയുടെ ശാഖകളും ഉപഭോക്തൃ സേവന വകുപ്പുകളും സന്ദർശിച്ച് സംഭാവന നൽകാനും അദ്ദേഹം നിർദ്ദേശിച്ചു.
+ There are no comments
Add yours