ഫുജൈറയുടെ ചില ഭാഗങ്ങളിൽ മഴ: ദുബായിലും ഷാർജയിലും മഴയ്ക്ക് സാധ്യത

ദുബായ്: ഫുജൈറയുടെ ചില ഭാഗങ്ങളിൽ ഇന്ന് പുലർച്ചെ മഴ പെയ്യ്തു. വ്യാഴാഴ്ച പുലർച്ചെ കിഴക്കൻ തീരത്തെ അൽ ഖറയ്യ – ഫുജൈറ റോഡ് പോലുള്ള പ്രദേശങ്ങളിൽ നേരിയ മഴ പെയ്യുമെന്ന് കാലാവസ്ഥാ ബ്യൂറോ നേരത്തെ റിപ്പോർട്ട് ചെയ്തിരുന്നു. മഴക്കാലത്ത് റോഡുകൾ തെന്നുന്നതിനാൽ വാഹനമോടിക്കുന്നവർ ജാഗ്രതയോടെ വാഹനമോടിക്കാൻ നിർദേശിച്ചിട്ടുണ്ട്.

രാജ്യത്തിൻ്റെ ആന്തരിക പ്രദേശങ്ങളിൽ പരമാവധി താപനില 43 മുതൽ 48 ഡിഗ്രി സെൽഷ്യസ് വരെ ആയിരിക്കുമെന്ന് പ്രതീക്ഷിക്കുന്നു. തീരപ്രദേശങ്ങളിലും ദ്വീപുകളിലും താപനില 41 മുതൽ 46 ° C വരെയും പർവതങ്ങളിൽ 31 മുതൽ 36 ° C വരെയും ഉയരും.

രാത്രിയിലും വെള്ളിയാഴ്ച രാവിലെയും ഈർപ്പമുള്ളതായിരിക്കും, ചില തീരപ്രദേശങ്ങളിൽ മൂടൽമഞ്ഞ് രൂപപ്പെടാൻ സാധ്യതയുണ്ട്.

അറേബ്യൻ ഗൾഫിൽ കടൽ താരതമ്യേന ശാന്തവും ഒമാൻ കടലിൽ നേരിയതോ മിതമായതോ ആയിരിക്കും.