അബുദാബിയിൽ ടാക്സി ചാർജ് ഇനി മുതൽ Alipay+ ആപ്ലിക്കേഷൻ വഴി

അബുദാബിയിൽ ടാക്സി ഉപയോഗിക്കുന്ന യാത്രക്കാർക്ക് ഇപ്പോൾ Alipay+ ആപ്ലിക്കേഷൻ വഴി ടാക്സി ചാർജ് നൽകാൻ സാധിക്കും. പുതിയ ആപ്ലിക്കേഷൻ യാത്രക്കാർക്ക് കൂടുതൽ സൗകര്യവും സുരക്ഷയും നൽകുന്നു. അബുദാബിയിലെ ട്രാൻസ്‌പോർട്ട് അതോറിറ്റി ഉപയോക്താക്കൾക്ക് വളരെ എളുപ്പത്തിൽ ഉപയോ​ഗിക്കാൻ സാധിക്കുന്ന തരത്തിലാണ് ആപ്പ് രൂപവൽക്കരിച്ചിരിക്കുന്നത്.

Alipay+ ആപ്ലിക്കേഷനിലൂടെ ടാക്സി ചാർജ് അടയ്ക്കുന്നത് ഉപയോക്തൃ-സൗഹൃദവും സുരക്ഷിതവുമായ പ്രക്രിയയാണ്. ഇറങ്ങേണ്ട സ്ഥലത്ത് എത്തിയാൽ യാത്രക്കാർക്ക് പിഒഎസ് ഉപകരണങ്ങളിലെ ക്യുആർ കോഡ് സ്കാൻ ചെയ്ത് പേയ്‌മെൻ്റ് ആരംഭിക്കാൻ ഡ്രൈവറോട് അഭ്യർത്ഥിക്കാം. ഇടപാട് യാത്രക്കാരൻ സ്ഥിരീകരിച്ച് വിജയകരമായി പൂർത്തിയാക്കിയ ശേഷം, ഡ്രൈവർക്കും യാത്രക്കാരനും അത് പൂർത്തിയാക്കിയതിൻ്റെ അറിയിപ്പുകൾ ലഭിക്കും.

അബുദാബി കൊമേഴ്‌സ്യൽ ബാങ്കും പയനിയറിംഗ് ഫിൻടെക് കമ്പനിയായ ‘പേബൈ’യും സംയുക്തമായി സഹകരിച്ചാണ് Alipay+ ആപ്പ് നിർമ്മിച്ചിരിക്കുന്നത്. എമിറേറ്റിലുടനീളമുള്ള ടാക്സി സർവ്വീസുകളിൽ ഇനിമുതൽ ഈ ആപ്പ് ലഭ്യമാണ്.

ടാക്‌സി നിരക്ക് പേയ്‌മെൻ്റ് ഇടപാടുകൾക്കായി ക്രെഡിറ്റ് കാർഡ് ഉപയോക്താക്കൾക്ക് അവരുടെ Alipay+ അക്കൗണ്ടുകളിലേക്ക് അവരുടെ കാർഡുകൾ ചേർക്കാനുള്ള ഓപ്ഷനും നൽകിയിട്ടുണ്ട്. ക്രെഡിറ്റ് കാർഡുകൾ ഇല്ലാത്തവർക്ക്, അവരുടെ ഇലക്ട്രോണിക് വാലറ്റുകൾ റീചാർജ് ചെയ്യാനുള്ള ഓപ്ഷൻ, ഓൺലൈൻ ബാങ്ക് കാർഡുകളിലൂടെയോ നിയുക്ത കിയോസ്‌കു(kiosks)കളിൽ പണമായോ ലഭ്യമാണ്, തുടർന്ന് Alipay+ ആപ്ലിക്കേഷനിലൂടെ പണമടയ്ക്കാൻ സാധിക്കും.