ദുബായ്: 2023-ൽ ദുബായ് വിമാനത്താവളങ്ങളിൽ മിനിറ്റുകൾക്കുള്ളിൽ 21 ദശലക്ഷത്തിലധികം യാത്രക്കാർ ഇമിഗ്രേഷൻ ക്ലിയറൻസ് പൂർത്തിയാക്കിയതായി റിപ്പോർട്ട്. 2022-ലെ 13.5 ദശലക്ഷം യാത്രക്കാരുമായി താരതമ്യം ചെയ്യുമ്പോൾ 55 ശതമാനം വർധനവാണ് ഇപ്പോൾ ഉണ്ടായിരിക്കുന്നത്.
ദുബായിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ് (ജിഡിആർഎഫ്എ) പറയുന്നതനുസരിച്ച്, ഇമിഗ്രേഷൻ ഉദ്യോഗസ്ഥരുടെ സഹായമില്ലാതെ ഈ യാത്രക്കാർ ദുബായ് ഇൻ്റർനാഷണൽ (ഡിഎക്സ്ബി), അൽ മക്തൂം ഇൻ്റർനാഷണൽ (ഡിഡബ്ല്യുസി) എന്നിവിടങ്ങളിലെ 127 സ്മാർട്ട് ഗേറ്റുകളിലൂടെയാണ് കടന്നുപോയത്.
കഴിഞ്ഞ വർഷം ഒക്ടോബറിൽ DXB ടെർമിനൽ 3-ലെ അഞ്ച് ഗേറ്റുകൾ കൂടുതൽ മെച്ചപ്പെട്ട സേവനമാണ് നൽകിയത്. സാങ്കേതിക വിദ്യകൾ ഉപയോഗിച്ചുള്ള പരിശോധന കാരണം യാത്രക്കാർക്ക് അവരുടെ രേഖകൾ പോലും എടുക്കാതെ തന്നെ നിമിഷങ്ങൾക്കുള്ളിൽ നടപടിക്രമങ്ങൾ പൂർത്തിയാക്കാൻ സാധിച്ചു. മെച്ചപ്പെടുത്തിയ സ്മാർട്ട് ഗേറ്റുകൾക്ക് മുകളിലുള്ള പച്ച വെളിച്ചം നോക്കുക മാത്രമാണ് അവർ ചെയ്യേണ്ടിയിരുന്ന ഒരേയൊരു കാര്യം.
ഏറ്റവും പുതിയ ബയോമെട്രിക് സാങ്കേതികവിദ്യയാണ് ഈ ഗേറ്റുകളിൽ ഉപയോഗിച്ചിരിക്കുന്നത്. എന്നാൽ ഏറ്റവുമവസാനം എമിറേറ്റ് ഐഡി കാണിക്കേണ്ടതാണ്. പാസ്‌പോർട്ടുകളുടെ സ്‌കാനിംഗിന് ശേഷം എയർപോർട്ടിലേക്ക് വന്നവരും പോകുന്നവരും ഐഡി കാണിക്കേണ്ടതാണ്.
+ There are no comments
Add yours