ഷാർജയിൽ ഫ്രഞ്ച് കൗമാരക്കാരിയെ കാണാതായതായി റിപ്പോർട്ട്; വേദനയോടെ കുടുംബം

ഷാർജ ഗ്രാൻഡ് മോസ്‌കിന് സമീപത്തെ വീട്ടിൽ നിന്ന് കാണാതായ ഫ്രഞ്ച് കൗമാരക്കാരിയെ ഷാർജ പോലീസ് തിരയുന്നു. മാർച്ച് 25 തിങ്കളാഴ്ച പുലർച്ചെ 1 നും 5 നും ഇടയിൽ ഷാർജയിലെ അൽ റിഖൈബയിലെ അൽ സുയോഹ് സബർബിൽ നിന്നാണ് പതിനേഴുകാരിയായ മെലിനെ കാണാതാകുന്നത്.

മാർച്ച് 25ന് രാത്രി കാണാതായ 17കാരിയെ കണ്ടെത്താൻ പോലീസ് ഡ്രോണുകൾ ഉപയോഗിച്ച് സമീപ പ്രദേശങ്ങളിൽ തിരച്ചിൽ നടത്തുകയാണ്. തൻ്റെ മകളുടെ പെട്ടെന്നുള്ള തിരോധാനത്തിൽ പിതാവ് ഡേവിഡ് ക്രോയിസർ തൻ്റെ അഗാധമായ ഉത്കണ്ഠ രേഖപ്പെടുത്തി. “ഇത് അവളുടെ അവസാന ദിവസമായിരിക്കുമെന്ന് താൻ കരുതുന്നില്ലെന്ന് അദ്ദേഹം പറ‍ഞ്ഞു.

മെലിൻ ദുർബലമായ മാനസികാവസ്ഥയിലായിരുന്നുവെന്ന് ക്രോയ്സർ കുടുംബത്തിൻ്റെ അടുത്ത സുഹൃത്തായ പൂജ പറഞ്ഞു. മെലിൻ എവിടെയാണെന്ന് കണ്ടെത്താൻ എന്തെങ്കിലും വിവരം ലഭിക്കുമെന്ന പ്രതീക്ഷയിൽ കുടുംബം അവളുടെ പോസ്റ്ററുകൾ പ്രദേശത്ത് പ്രചരിപ്പിച്ചു.

എന്തെങ്കിലും വിവരം ലഭിക്കുന്നവർ ഷാർജ പോലീസുമായോ പോസ്റ്ററിൽ ബന്ധപ്പെടാനുള്ള വിശദാംശങ്ങൾ ഉള്ള അവരുടെ കുടുംബവുമായോ ബന്ധപ്പെടാം.