ജോലി കഴിഞ്ഞ് റൂമിലെത്തിയപ്പോൾ നെഞ്ചുവേദന; മലയാളി യുവാവിന് യു.എ.ഇയിൽ ദാരുണാന്ത്യം

യു.എ.ഇ: യു.എ.ഇയിൽ മലയാളി യുവാവ് നെഞ്ചു വേദനയെ തുടർന്നു മരിച്ചു. മലപ്പുറം വേങ്ങര സ്വദേശി ഷാനിദ് (24) ആണ് മരിച്ചത്.

ദുബായ് അൽകൂസ് 2ൽ ഗ്രോസറി ഷോപ്പിലായിരുന്നു ജോലി. ജോലി കഴിഞ്ഞ് റൂമിൽ മടങ്ങി എത്തിയപ്പോഴാണ് നെഞ്ചു വേദന അനുഭവപ്പെട്ടത്. ആശുപത്രിയിൽ എത്തിച്ചപ്പോഴേക്കും മരണം സംഭവിക്കുകയായിരുന്നു.

ഹൃദയാഘാതം ആണ് മരണകാരണമെന്നാണ് പ്രാഥമിക നി​ഗമനം.