കള്ളപ്പണം വെളുപ്പിക്കലും ഭീകരാക്രമണ ഭീഷണിയും; ഏഴ് പ്രവാസികൾക്ക് തൊഴിൽ സഹിതം ഏഴ് വർഷം തടവ് ശിക്ഷ വിധിച്ച് കുവൈറ്റ് കോടതി

കെയ്‌റോ: കള്ളപ്പണം വെളുപ്പിക്കൽ, വഞ്ചന, ബ്ലാക്ക് മെയിൽ എന്നീ കുറ്റങ്ങൾ ചുമത്തി കുവൈത്ത് കോടതി ഏഴ് പ്രവാസികൾക്ക് തൊഴിൽ സഹിതം ഏഴ് വർഷം തടവ് ശിക്ഷ വിധിച്ചു. വ്യവസ്ഥകൾക്ക് ശേഷം പ്രതികളെ നാടുകടത്താനും ക്രിമിനൽ കോടതി ഉത്തരവിട്ടു.

ഒരു യൂറോപ്യൻ രാജ്യത്ത് താമസിക്കുന്നതിനാൽ ഹാജരാകാതെ വിചാരണ ചെയ്യപ്പെട്ട അഞ്ചുപേരും പ്രതികളിൽ ഉൾപ്പെടുന്നുവെന്ന് കുവൈറ്റ് പത്രമായ അൽ അൻബ റിപ്പോർട്ട് ചെയ്തു.

കുവൈറ്റിലെ രണ്ട് പ്രവാസി സ്ത്രീകൾ വിദേശത്ത് വ്യാപാര പ്ലാറ്റ്‌ഫോമുകൾ വഴി പണം നിക്ഷേപിക്കാമെന്ന് പറഞ്ഞ് വേഗത്തിലുള്ള ലാഭത്തിന് പ്രതിഫലമായി പണം നിക്ഷേപിക്കാമെന്ന് വാ​ഗ്ദാനം നൽകി 157,000 KD വഞ്ചിച്ചെന്ന് കുവൈറ്റ് പൗരൻ അധികാരികൾക്ക് നൽകിയ നിയമപരമായ പരാതിയുമായി ബന്ധപ്പെട്ടതാണ് കേസ്.പിന്നീട്, തൻ്റെ പേര് തീവ്രവാദ പട്ടികയിൽ ഉൾപ്പെടുത്തിയെന്ന് ആരോപിച്ച് ബ്ലാക്ക് മെയിൽ ചെയ്യ്ത് ഭീഷണിപ്പെടുത്തി. രാജ്യത്തിന് പുറത്തേക്ക് ഭീമമായ തുക കൈമാറാൻ സമ്മർദ്ദം ചെലുത്തി.

ആ ലിസ്റ്റുകളിൽ നിന്ന് തൻ്റെ പേര് നീക്കം ചെയ്യാൻ സഹായിക്കുന്നതിന് കൂടുതൽ പണം നൽകാനും ഇരയോട് ആവശ്യപ്പെട്ടതായി റിപ്പോർട്ട് പറയുന്നു.

അറസ്റ്റിന് ശേഷം, രണ്ട് സ്ത്രീകളും മറ്റ് അഞ്ച് വിദേശികൾ നടത്തുന്ന യൂറോപ്പ് ആസ്ഥാനമായുള്ള തട്ടിപ്പ് സംഘത്തിൻ്റെ ഭാഗമായി പ്രവർത്തിച്ചതായി കണ്ടെത്തി.

കള്ളപ്പണം വെളുപ്പിക്കൽ, ഇരയുടെ പണം പിടിച്ചെടുക്കൽ, ആശയവിനിമയ മാർഗങ്ങളുടെ ദുരുപയോഗം എന്നീ കുറ്റങ്ങളാണ് പ്രതികൾക്കെതിരെ ചുമത്തിയിരിക്കുന്നത്.

പ്രതികൾ രാജ്യത്തിന് പുറത്ത് താമസിക്കുന്നുവെന്നതിൻ്റെ അടിസ്ഥാനത്തിൽ നിയമപരമായ പരാതി നൽകാൻ ഇര ആദ്യം മടിച്ചതായി അദ്ദേഹത്തിൻ്റെ അഭിഭാഷകൻ അല അൽ സഈദി പറഞ്ഞു. “ഇത്തരം കുറ്റകൃത്യങ്ങൾക്ക് ഇരയാകുന്ന ആരും വഴങ്ങരുത്, അത് സുരക്ഷാ ഏജൻസികളെ അറിയിക്കണം,” അഭിഭാഷകൻ വ്യക്തമാക്കി.

പ്രതികൾ ഏഴ് വർഷ ശിക്ഷാ കാലാവധിയിൽ തൊഴിൽ ചെയ്യ്ത് കൊണ്ട് പൂർത്തിയാക്കണം. കൂടാതെ ശിക്ഷാ കാലാവധിക്ക് ശേഷം ഇവരെ നാടുക്കടത്താനും തീരുമാനമായി.