തീവ്രവാദ കുറ്റങ്ങൾ ചുമത്തി കുവൈറ്റിൽ പോലീസുകാരന് 10 വർഷം തടവ് ശിക്ഷ

സഹപ്രവർത്തകനെ ആക്രമണത്തിന് പ്രേരിപ്പിച്ചതുൾപ്പെടെയുള്ള തീവ്രവാദ കുറ്റങ്ങൾ ചുമത്തി കുവൈത്ത് കോടതി ഒരു പോലീസുകാരനെ 10 വർഷം തടവിന് ശിക്ഷിച്ചു.

മറ്റൊരു പോലീസുകാരനെ സൈനിക ക്യാമ്പ് തകർക്കാൻ പ്രേരിപ്പിച്ചതിനും ഭീകര സംഘടനയായ ദാഇഷ് സംഘടനയെ പിന്തുണക്കുന്ന വീഡിയോകൾ പോസ്റ്റ് ചെയ്തതിനും പ്രതി കുറ്റക്കാരനാണെന്ന് ക്രിമിനൽ കോടതി കണ്ടെത്തി.

ഇതേ കേസിൽ രണ്ടുപേരെ വെറുതെവിട്ടു.

സ്റ്റേറ്റ് സെക്യൂരിറ്റി സർവീസ് അറസ്റ്റ് ചെയ്ത ശേഷം, മൂന്ന് പേരെയും ദാഇഷിൻ്റേതാണെന്നും യുഎസ് സേനയുടെ ഒരു ക്യാമ്പ് തകർക്കാൻ പദ്ധതിയിട്ടെന്നും ആരോപിച്ച് കോടതിയിലേക്ക് അയച്ചു. സ്‌ഫോടകവസ്തു നിർമാണം പഠിച്ചു, തീവ്രവാദികളോട് കൂറ് ഉറപ്പ് നൽകി, മറ്റുള്ളവരെ അതിലേക്ക് ക്ഷണിച്ചു തുടങ്ങിയ കുറ്റങ്ങളും മുഖ്യപ്രതിക്കെതിരെ ചുമത്തിയിട്ടുണ്ട്.

എന്നാൽ, പ്രതികൾ തങ്ങൾക്കെതിരായ കുറ്റങ്ങൾ നിഷേധിച്ചു. 2015ൽ കുവൈറ്റിലെ ഷിയാ പള്ളിയിലുണ്ടായ സ്‌ഫോടനത്തിൽ 27 പേർ കൊല്ലപ്പെട്ടിരുന്നു. അൽ സദേഖ് മസ്ജിദിൽ വെള്ളിയാഴ്ച പ്രാർത്ഥനയ്ക്കിടെ ഒരു ചാവേറാണ് ആക്രമണം നടത്തിയതെന്ന് ദാഇഷ് അവകാശപ്പെട്ടു.

രണ്ട് പതിറ്റാണ്ടിനിടെ കുവൈറ്റിൽ ഇത്തരമൊരു ഭീകരാക്രമണം ഉണ്ടാകുന്നത് ഇതാദ്യമാണ്.

കഴിഞ്ഞ വർഷം, ആക്രമണത്തിൽ പങ്കുള്ള ഒരു തടവുകാരനെ വധിച്ചിരുന്നു. ചാവേറിനെ പള്ളിയിലേക്ക് ഓടിച്ചുകയറ്റി സഹായിച്ചുവെന്ന കുറ്റമാണ് ഇയാൾക്കെതിരെ ചുമത്തിയിരിക്കുന്നത്. മറ്റ് അഞ്ച് പ്രതികളെ ഹാജരാകാതെ വിചാരണ ചെയ്യുകയും വധശിക്ഷയ്ക്ക് വിധിക്കുകയും ചെയ്തു. ഇതേ കേസിൽ മറ്റ് എട്ട് പേർക്ക് 15 വർഷം വീതം തടവ് ശിക്ഷ വിധിച്ചു.