ദുബായ് ഡ്യൂട്ടി ഫ്രീ മില്ലേനിയം മില്യണയര്‍ നറുക്കെടുപ്പില്‍ വീണ്ടും മലയാളിയെ തേടി ഭാഗ്യം. ദുബായ് ഡ്യൂട്ടി ഫ്രീ മില്ലേനിയം മില്യണയറിന്റെ ഏറ്റവും പുതിയ നറുക്കെടുപ്പില്‍ ഒരു മില്യണ്‍ ഡോളര്‍ ലഭിച്ചിരിക്കുന്നത് മലയാളിയായ വേണുഗോപാല്‍ മുല്ലച്ചേരിയ്ക്കാണ്. 8.46 കോടി രൂപയാണ് വേണുഗോപാല്‍ മുല്ലച്ചേരിക്ക് സമ്മാനമായി ലഭിക്കാന്‍ പോകുന്നത്. 52 കാരനായ വേണുഗോപാല്‍ അജ്മാനില്‍ ആണ് താമസിക്കുന്നത്.
ഏപ്രില്‍ 23 ന് ടെര്‍മിനല്‍ 2 അറൈവല്‍സ് ഷോപ്പില്‍ നിന്ന് വാങ്ങിയ 1163 എന്ന ടിക്കറ്റ് നമ്പര്‍ ആണ് അദ്ദേഹത്തിന് ഭാഗ്യം സമ്മാനിച്ചത്. ദുബായ് ഡ്യൂട്ടി ഫ്രീ മില്ലേനിയം മില്യണയര്‍ സീരീസ് 500 പ്രമോഷനിലെ 500-ാമത്തെ വിജയിയാണ് വേണുഗോപാല്‍ എന്നതും ശ്രദ്ധേയമാണ്. ഒരു പതിറ്റാണ്ടിലേറെയായി അജ്മാനില്‍ താമസിക്കുന്ന വേണുഗോപാല്‍ മുല്ലച്ചേരി, ദുബായ് ഡ്യൂട്ടി ഫ്രീയുടെ ഔദ്യോഗിക ഫേസ്ബുക്ക് പേജില്‍ തത്സമയം നറുക്കെടുപ്പ് കാണുന്നുണ്ടായിരുന്നു.
തന്നെ വിജയിയായി തിരഞ്ഞെടുക്കുന്നത് കാണാന്‍ വേണുഗോപാലിന് സാധിച്ചു എന്നതും ശ്രദ്ധേയമായി. രണ്ട് കുട്ടികളുടെ പിതാവായ വേണുഗോപാല്‍ മുല്ലച്ചേരി അജ്മാനിലെ ഒരു കമ്പനിയില്‍ ഐടി സപ്പോര്‍ട്ട് സ്‌പെഷ്യലിസ്റ്റായി ജോലി ചെയ്യുന്നു, 15 വര്‍ഷത്തിലേറെയായി ദുബായ് ഡ്യൂട്ടി ഫ്രീ മില്ലേനിയം മില്യണയര്‍ പ്രമോഷനില്‍ പങ്കെടുക്കുന്ന ആളാണ് വേണുഗോപാല്‍ മുല്ലച്ചേരി.
+ There are no comments
Add yours