15 വർഷത്തെ പ്രവാസ ജീവിതം, ആദ്യമായി കുടുംബത്തെ യു.എ.ഇയിൽ എത്തിച്ചു – ഒടുവിൽ ദാരുണാന്ത്യം

യു.എ.ഇ: 15 വർഷത്തിലേറെയായി യുഎഇയിൽ താമസിക്കുന്ന പ്രവാസിയായ ഇന്ത്യക്കാരൻ ഹൃദയാഘാതത്തെ തുടർന്ന് മരിച്ചു. 15 വർഷത്തിനിടയ്ക്ക് ആദ്യമായി കഴിഞ്ഞയാഴ്ച തന്റെ കുടുംബത്തെ ഇയാൾ ദുബായിൽ കൊണ്ടുവന്നിരുന്നു.

സാമൂഹിക പ്രവർത്തകൻ അഷ്‌റഫ് താമരശ്ശേരി പറയുന്നതനുസരിച്ച്, തന്നെ കാണാൻ കുടുംബത്തെ കൊണ്ടുവരാൻ ആ മനുഷ്യൻ ഏറെ കാലമായി ആ​ഗ്രഹിക്കുന്നു. 15 വർഷത്തിലേറെയായി ഇവിടെ താമസിച്ചിട്ടും കുടുംബത്തെ ദുബായിലേക്ക് കൊണ്ടുവരാൻ തനിക്ക് അവസരം ലഭിച്ചിട്ടില്ലെന്നും അദ്ദേഹം പറഞ്ഞിരുന്നു. “കുറച്ചുകാലത്തേക്ക് അതിനായി നല്ലൊരു തുക സ്വരൂപിച്ചു, കുടുംബം ദുബായിൽ എത്തിയപ്പോൾ അയാൾ ഒരുപാട് സന്തോഷിച്ചു. അഷ്റഫ് പറയുന്നു.

“അദ്ദേഹം അവരെ കൂട്ടിക്കൊണ്ടുപോയി ദുബായ് മുഴുവൻ കാണിച്ചു, ഇവിടെയെത്തി മൂന്ന് ദിവസത്തിനകം ദുബായിൽ നിന്ന് കുടുംബ നാട്ടിലേക്ക് തിരിച്ചു.. അദ്ദേഹത്തിന് പെട്ടന്നാണ് നെഞ്ച് വേദന വന്നത്. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.

ആവശ്യമായ രേഖകളും നടപടിക്രമങ്ങളും പൂർത്തിയാക്കിയ ശേഷമാണ് മൃതദേഹം നാട്ടിലെത്തിച്ചത്. അദ്ദേഹത്തിൻ്റെ സംസ്‌കാരം കഴിഞ്ഞയാഴ്ച നടന്നുവെന്നും അഷ്റഫ് കൂട്ടിചേർത്തു.

“തങ്ങളുടെ കുടുംബനാഥനോടൊപ്പം സന്തോഷകരമായ അവധിക്കാലം ചെലവഴിക്കാൻ പ്രതീക്ഷിച്ച് ഇവിടെയെത്തിയ കുടുംബത്തിന് അവരുടെ ലോകം ഇത്ര വേഗത്തിൽ തകരുന്നത് എങ്ങനെ സഹിക്കാൻ സാധിക്കുമെന്ന് അറിയില്ല,” അഷ്‌റഫ് പറഞ്ഞു.

യുഎഇയിൽ പ്രവാസികൾ മരിക്കുമ്പോൾ, പ്രാഥമിക മരണ റിപ്പോർട്ട് ഫയൽ ചെയ്യാൻ കുടുംബം ബന്ധപ്പെട്ട അധികാരികളെ അറിയിക്കണം. മൃതദേഹം മോർച്ചറിയിലേക്ക് മാറ്റിയ ശേഷം ഉദ്യോഗസ്ഥർ മരണ സർട്ടിഫിക്കറ്റ് നൽകും. ഈ രേഖ പോലീസ് സ്റ്റാമ്പ് ചെയ്യേണ്ടതുണ്ട്, അതിനുശേഷം ഒരു നോ ഒബ്ജക്ഷൻ സർട്ടിഫിക്കറ്റ് (എൻഒസി) നൽകും. മൃതദേഹം വീട്ടിലേക്ക് തിരികെ കൊണ്ടുവരാൻ കുടുംബത്തിന് കൂടുതൽ നടപടിക്രമങ്ങൾ നടത്തേണ്ടതുണ്ട്.