റോഡപകടത്തിൽ ഗുരുതരമായി പരിക്കേറ്റ ഒരാളെ നാഷണൽ ഗാർഡിൻ്റെ (എൻഎസ്ആർസി) നാഷണൽ സെർച്ച് ആൻഡ് റെസ്ക്യൂ സെൻ്റർ എയർലിഫ്റ്റ് ചെയ്തു. അബുദാബിയിലെ ഗിയാത്തി നഗരത്തിലാണ് ഹെലികോപ്റ്റർ റോഡിലിറക്കിയത്.
അബുദാബി പോലീസിലെ അംഗത്തിൻ്റെ നിർദ്ദേശപ്രകാരം ഒരു ഒഴിഞ്ഞ റോഡിന് നടുവിൽ ഹെലികോപ്റ്റർ ഇറങ്ങുന്നത് കാണിക്കുന്ന ഒരു വീഡിയോ നാഷണൽ ഗാർഡ് ഇൻസ്റ്റാഗ്രാമിൽ പോസ്റ്റ് ചെയ്യ്തു.
രക്ഷാസംഘം രോഗിയെ പുറത്തെത്തിക്കുകയും ആവശ്യമായ വൈദ്യചികിത്സ നൽകുന്നതിനായി സായിദ് സിറ്റി ആശുപത്രിയിലേക്ക് ആളെ കൊണ്ടുപോകുകയും ചെയ്തു.
കഴിഞ്ഞ മാസം അൽഐൻ സിറ്റിയിലെ മരുഭൂമിയിൽ കാർ അപകടത്തിൽപ്പെട്ട രണ്ടുപേരെ ഒഴിപ്പിച്ചിരുന്നു.
സെർച്ച് ആൻഡ് റെസ്ക്യൂ ടീം അബുദാബി പോലീസുമായി ഏകോപിപ്പിച്ച് മെഡിക്കൽ ഒഴിപ്പിക്കൽ ദൗത്യം വിജയകരമായി നടത്തിയതായി അധികൃതർ അറിയിച്ചു. ഇരുവർക്കും നിസാര പരിക്കേറ്റതിനാൽ ആവശ്യമായ ചികിത്സ നൽകുന്നതിനായി അപകടസ്ഥലത്ത് നിന്ന് ഹെലികോപ്റ്ററിൽ ത്വാം ആശുപത്രിയിലേക്ക് മാറ്റി.
ശനിയാഴ്ച കടലിൽ കാണാതായ രണ്ട് ഏഷ്യൻ വംശജരെ രക്ഷപ്പെടുത്തിയിരുന്നു. NSRC, കോസ്റ്റ് ഗാർഡ് ഗ്രൂപ്പ്/മൂന്നാം സ്ക്വാഡ്രൺ, ആഭ്യന്തര മന്ത്രാലയത്തിൻ്റെ എയർ വിംഗുമായി ഏകോപിപ്പിച്ച് തിരച്ചിൽ, രക്ഷാദൗത്യം നടത്തി.
30 വയസ്സുള്ള രണ്ട് ഏഷ്യൻ പുരുഷന്മാരെ കാലാവസ്ഥാ വ്യതിയാനത്തെ തുടർന്ന് ബോട്ട് മുങ്ങി കടലിൽ കാണാതായിരുന്നു. പ്രതികൂല സാഹചര്യങ്ങൾക്കിടയിലും സംഘത്തിന് രണ്ടുപേരെ കണ്ടെത്തി രക്ഷപ്പെടുത്താൻ കഴിഞ്ഞു.
+ There are no comments
Add yours