ദുബായിൽ സ്വർണ്ണ വില കുത്തനെ ഉയരുന്നു; ഗ്രാമിന് 245.75 ദിർഹം

ദുബായ്: ദുബായിൽ സ്വർണ്ണവില വീണ്ടും ഉയർന്നു. ദുബായ് ജ്വല്ലറി ഗ്രൂപ്പ് ഡാറ്റ പറയുന്നത് പ്രകാരം ചൊവ്വാഴ്ച രാവിലെ 244.5 ദിർഹത്തെ അപേക്ഷിച്ച് ബുധനാഴ്ച രാവിലെ ഗ്രാമിന് 245.75 ദിർഹത്തിലാണ് വ്യാപാരം നടക്കുന്നത്.

ആഗോളതലത്തിൽ, യുഎസ് സെൻട്രൽ ബാങ്കിൻ്റെ ഏറ്റവും പുതിയ പോളിസി മീറ്റിംഗിൻ്റെ മിനിറ്റുകൾക്ക് മുന്നോടിയായി, ദുർബലമായ ഡോളറും സുരക്ഷിതമായ വാങ്ങലുകളും സഹായിച്ചതോടെ ബുധനാഴ്ച സ്വർണ വില ഉയർന്നു.

സ്വർണ്ണത്തിന്റെ മറ്റ് വകഭേദങ്ങളിൽ 22K 227.5 ദിർഹത്തിലും 21K 220.25 ദിർഹത്തിലും വ്യാപാരം നടക്കുന്നു. യു.എ.ഇ സമയം രാവിലെ 9.17ന് സ്പോട്ട് ഗോൾഡ് 0.3 ശതമാനം ഉയർന്ന് 2,030.38 ഡോളറിലെത്തി.

പണപ്പെരുപ്പ റിപ്പോർട്ടിൻ്റെ പിൻബലത്തിൽ കഴിഞ്ഞ ആഴ്‌ച അനുഭവിച്ച മിക്കവാറും എല്ലാ നഷ്ടങ്ങളും സ്വർണം കുതിച്ചുയർന്നുവെന്നും എഫ്എക്‌സ്‌പ്രോയിലെ സീനിയർ മാർക്കറ്റ് അനലിസ്റ്റ് അലക്‌സ് കുപ്‌സികെവിച്ച്(Alex Kuptsikevich) പറഞ്ഞു.

അതേ സമയം, ഈ വർഷത്തിൻ്റെ ആരംഭം മുതൽ, ശക്തമായ വിറ്റഴിക്കലുകളാണ് സ്വർണ്ണത്തിൻ്റെ കാര്യത്തിൽ യു.എ.ഇയുടെ വ്യാപാര കേന്ദ്രങ്ങളിൽ നടക്കുന്നത്.

ആ​ഗോളതലത്തിൽ രാജ്യങ്ങൾ തമ്മിലുള്ള സംഘർഷാവസ്ഥയും മറ്റ് സാഹചര്യങ്ങളുമാണ് സ്വർണ്ണ വില ഉയരാൻ കാരണമായിരിക്കുന്നത്. 2024ൽ യു.എ.ഇയിൽ സ്വർണ്ണ വിലയിൽ ഉൾപ്പെടെ ചില കാര്യങ്ങൾക്ക് വൻ വില വർധനവുണ്ടാകുമെന്ന് നേരത്തെ റിപ്പോർട്ടുകളുണ്ടായിരുന്നു.