‘ഫ​ത​ഹ്​ അ​ൽ ഖൈ​ർ’ ഇനി ചരിത്ര സ്മാരകം; ഓ​ൾ​ഡ്​ ദോ​ഹ തു​റ​മു​ഖത്ത് വിശ്രമം

ദോ​ഹ: വ​ർ​ഷ​ങ്ങ​ൾ നീ​ണ്ട യാ​ത്ര​ക​ളി​ൽ നാ​ടാ​യ നാ​ടെ​ല്ലാം ചു​റ്റി​യ​ടി​ച്ച്, ഖ​ത്ത​റി​ൻറെ ക​ട​ൽ പൈ​തൃ​ക​വും സം​സ്​​കാ​ര​വു​മെ​ല്ലാം വി​ളി​ച്ചോ​തി, ലോ​ക​ക​പ്പ്​ ഫു​ട്​​ബാ​ളി​ൻറെ പ്ര​ചാ​ര​ണ​വും ന​ട​ത്തി​യ ‘ഫ​ത​ഹ്​ അ​ൽ ഖൈ​ർ’ പാ​യ​ക്ക​പ്പ​ൽ ന​ങ്കൂ​ര​മി​ട്ടു. ഇ​നി ഓ​ൾ​ഡ്​ ദോ​ഹ തു​റ​മു​ഖ​ത്ത്​ സ​ന്ദ​ർ​ശ​ക​ർ​ക്ക്​ കാ​ണാ​നും ചി​ത്ര​ങ്ങ​ൾ പ​ക​ർ​ത്താ​നു​മു​ള്ള ച​രി​ത്ര സ്​​മാ​ര​ക​മാ​യി ‘ഫ​ത​ഹ്​ അ​ൽ ഖൈ​ർ’ ഉ​ണ്ടാ​കും.

ക​ഴി​ഞ്ഞ ദി​വ​സ​മാ​ണ്​ ക​താ​റ ക​ൾ​ച​റ​ൽ വി​ല്ലേ​ജി​ൻറെ നേ​തൃ​ത്വ​ത്തി​ൽ ​ഓ​ൾ​ഡ്​ ദോ​ഹ തു​റ​മു​ഖ​ത്ത്​ ബോ​ട്ടി​നെ വ​ര​വേ​റ്റ​ത്.സ്​​പെ​യി​നി​ലെ ബാ​ഴ്​​സ​ലോ​ണ​യി​ൽ നി​ന്നെ​ത്തി​യാ​ണ്​ ബോ​ട്ട്​ അ​തി​ൻറെ അ​വ​സാ​ന യാ​ത്ര പൂ​ർ​ത്തി​യാ​ക്കി​യ​ത്.

ക​ട​ൽ​യാ​ത്ര​യു​ടെ ആ​ദ്യ​കാ​ല രൂ​പ​മാ​യി പാ​യ​ക്ക​പ്പ​ൽ മാ​തൃ​ക​യി​ൽ നി​ർ​മി​ച്ച ഫ​ത​ഹ്​ അ​ൽ ഖൈ​ർ 2013ലാ​ണ്​ ആ​ദ്യ​മാ​യി നീ​റ്റി​ലി​റ​ങ്ങു​ന്ന​ത്. വി​വി​ധ ജി.​സി.​സി തു​റ​മു​ഖ​ങ്ങ​ളി​ലൂ​ടെ​യാ​യി​രു​ന്ന യാ​ത്ര. പി​ന്നീ​ട്, 2015ൽ ​ഇ​ന്ത്യ​യി​ലേ​ക്ക്​ മാ​സ​ങ്ങ​ൾ നീ​ണ്ട യാ​ത്ര ന​ട​ത്തി ഫ​ത​ഹ്​ അ​ൽ ഖൈ​ർ ശ്ര​ദ്ധേ​യ​മാ​യി.

2017ൽ ​ഒ​മാ​ൻ, കു​വൈ​ത്ത്, 2019ൽ ​​യൂ​റോ​പ്പി​ലെ വി​വി​ധ രാ​ജ്യ​ങ്ങ​ൾ ഉ​ൾ​ക്കൊ​ള്ളു​ന്ന യാ​ത്ര​ക​ളും ന​ട​ത്തി. ഗ്രീ​സ്, അ​​ൽ​ബേ​നി​യ, ​​ക്രൊ​യേ​ഷ്യ, മാ​ൾ​ട്ട രാ​ജ്യ​ങ്ങ​ളു​ടെ തു​റ​മു​ഖ​ങ്ങ​ൾ സ​ഞ്ച​രി​ച്ചാ​യി​രു​ന്നു ഈ ​സ​ഞ്ചാ​രം. 2022 ജൂ​ലൈ​ മാ​സ​ത്തി​ലാ​യി​രു​ന്നു പാ​യ​ക്ക​പ്പ​ൽ അ​ഞ്ചാം യാ​ത്ര​ക്കാ​യി പു​റ​പ്പെ​ട്ട​ത്.

ഇ​റ്റ​ലി, ഫ്രാ​ൻ​സ്, സ്​​പെ​യി​ൻ തു​ട​ങ്ങി​യ വി​വി​ധ രാ​ജ്യ​ങ്ങ​ളി​ലെ പ​ത്തോ​ളം തു​റ​മു​ഖ​ങ്ങ​ൾ സ​ന്ദ​ർ​ശി​ച്ച്​ ഖ​ത്ത​റി​ലെ സം​സ്​​കാ​ര​വും ജീ​വി​ത​വു​മെ​ല്ലാം പ​രി​ച​യ​പ്പെ​ടു​ത്തി​യാ​യി​രു​ന്നു ലോ​ക​ക​പ്പ്​ ഫു​ട്​​ബാ​ളി​ൻറെ പ്ര​ചാ​ര​ണ യാ​ത്ര. വി​വി​ധ രാ​ജ്യ​ങ്ങ​ളി​ൽ ന​യ​ത​ന്ത്ര ത​ല​ത്തി​ൽ​ത​ന്നെ സ്വീ​ക​ര​ണം ന​ൽ​കി വ​ര​വേ​റ്റു.

ഇ​പ്പോ​ൾ പ​ത്തു​വ​ർ​ഷ​ത്തി​നു​ള്ളി​ൽ അ​ഞ്ച്​ ലോ​ക പ​ര്യ​ട​ന​ങ്ങ​ൾ പൂ​ർ​ത്തി​യാ​ക്കി​യാ​ണ്​ ഖ​ത്ത​റി​ൻറെ ക​ട​ൽ പാ​ര​മ്പ​ര്യ​വും ച​രി​ത്ര​വു​മെ​ല്ലാം പേ​റു​ന്ന പാ​യ​ക്ക​പ്പ​ൽ ന​ങ്കൂ​ര​മി​ടു​ന്ന​ത്.