ആളില്ലാ റോബോട്ടിക് കോംബാറ്റ് വാഹനങ്ങൾ; സേനയെ ശക്തമാക്കാൻ പുതിയ കരാറിൽ ഒപ്പിട്ട് യു.എ.ഇ

അബുദാബി ആസ്ഥാനമായി പ്രവർത്തിക്കുന്ന എഡ്ജ് ഗ്രൂപ്പുമായി ആളില്ലാ ഗ്രൗണ്ട് വാഹനങ്ങളും (UGVs) ട്രാക്ക് ചെയ്ത റോബോട്ടിക് കോംബാറ്റ് വാഹനങ്ങളും (RCVs) യു.എ.ഇ പ്രതിരോധ മന്ത്രാലയത്തിന് വിതരണം ചെയ്യുന്നതിനുള്ള കരാർ ഒപ്പിട്ടു.

ലോകത്തിലെ ഏറ്റവും വലിയ കോംബാറ്റ് റോബോട്ടിക്‌സ് പ്രോഗ്രാമിനെ പ്രതിനിധീകരിക്കുന്ന കരാർ, അബുദാബി നാഷണൽ എക്‌സിബിഷൻ സെന്ററിൽ (ADNEC) നടന്ന അൺമാൻഡ് സിസ്റ്റം എക്‌സിബിഷൻ ആൻഡ് കോൺഫറൻസിലാണ്(Umex) പ്രഖ്യാപിച്ചത്.

കരാറിന്റെ നിബന്ധനകൾ പ്രകാരം, റോബോട്ടിക്‌സിന്റെയും സ്വയംഭരണ സംവിധാനങ്ങളുടെയും യൂറോപ്പിലെ മുൻനിര ഡെവലപ്പറായ മിൽറെം റോബോട്ടിക്‌സ്, ആളില്ലാ വാഹനങ്ങൽ ഗ്രൗണ്ട് കഴിവുകൾ തെളിയിക്കുന്നതിനായി യു.എ.ഇ സായുധ സേനയുടെ ആയുധപ്പുരയിലേക്ക് എത്തിക്കുന്നതിന് മുമ്പ് പരീക്ഷണാടിസ്ഥാനത്തിൽ ട്രയൽ പ്രോഗ്രാമിനും നേതൃത്വം നൽകും. THeMIS UGV-കളും ട്രാക്ക് ചെയ്‌ത RCV-കളും വിപുലമായ സാങ്കേതിക സവിശേഷതകൾ, പേലോഡുകൾ, ഉയർന്ന നിലവാരമുള്ള ആശയവിനിമയ സാമ​ഗ്രികൾ എന്നിവയാൽ സജ്ജീകരിച്ചിരിക്കുന്നു.

ആദ്യ ട്രയൽ പ്രോഗ്രാം പൂർത്തിയാക്കിയ ശേഷം ഒരു വലിയ ഓർഡർ നൽകാനാണ് യു.എ.ഇയുടെ തീരുമാനം.

30mm MK44 പീരങ്കികളുള്ള ആളില്ലാ റോബോട്ടിക് വാഹനങ്ങളിൽ ആയുധ സ്‌റ്റേഷനുകളും പരോക്ഷ അഗ്നിശമന സംവിധാനങ്ങളുമുള്ള THeMIS കോംബാറ്റ് യൂണിറ്റുകൾ, ഷോട്ട് ഡിറ്റക്ഷൻ കഴിവുകൾ ഉൾപ്പെടെയുള്ള റഡാർ, ക്യാമറ സംവിധാനങ്ങൾ എന്നിവയുള്ള യൂണിറ്റുകൾ നിർബന്ധമായും സജ്ജീകരിക്കണമെന്ന് യു.എ.ഇ കരാറിൽ വ്യവസ്ഥ ചെയ്തിരിക്കുന്നു. വാഹനങ്ങളുടെ കൺട്രോൾ എങ്ങനെ ആയിരിക്കണമെന്നത് സംബന്ധിച്ച് സേനയ്ക്ക് മിൽറെം റോബോട്ടിക്‌സ് സമഗ്രമായ പരിശീലനവും മേൽനോട്ടവും നൽകും.