പെട്രോൾ സ്റ്റേഷനുകളിൽ ട്രാഫിക് സേവനങ്ങൾ ആരംഭിച്ച് ദുബായ് പോലീസ്

ദുബായ്: പെട്രോൾ സ്റ്റേഷനുകളിൽ ഗതാഗത സേവനങ്ങൾ ലഭ്യമാക്കാൻ ദുബായ് പോലീസ് പുതിയ പദ്ധതി പ്രഖ്യാപിച്ചു.


എമിറേറ്റിലുടനീളമുള്ള പെട്രോൾ സ്റ്റേഷനുകളിൽ ട്രാഫിക് സേവനങ്ങൾ നൽകിക്കൊണ്ട് ഉപഭോക്തൃ അനുഭവം ഉയർത്തുന്നതിനാണ് ഓൺ-ദി-ഗോ എന്ന് വിളിക്കപ്പെടുന്ന ഇത്തരത്തിലുള്ള ആദ്യ സംരംഭം സമർപ്പിച്ചിരിക്കുന്നതെന്ന് ദുബായ് പോലീസ് ഇന്ന് എക്‌സിൽ അറിയിച്ചു.

മുതിർന്ന പൗരന്മാർ, നിശ്ചയദാർഢ്യമുള്ളവർ, ഗർഭിണികൾ എന്നിവരുൾപ്പെടെ 400 ഓളം വാഹനമോടിക്കുന്നവർക്ക് ദുബായ് പോലീസിൻ്റെ ‘ഓൺ-ദി-ഗോ’ സംരംഭത്തിന് കീഴിൽ സൗജന്യ കാർ റിപ്പയർ സേവനത്തിൻ്റെ പ്രയോജനം ലഭിച്ചിരുന്നു.

ഇപ്പോഴിതാ ഇതേ സംരഭത്തിന് കീഴിലാണ് പെട്രോൾ സ്റ്റേഷനുകളിൽ ട്രാഫിക് സേവനങ്ങൾ നൽകുന്ന പദ്ധതിയും പ്രഖ്യാപിച്ചിരിക്കുന്നത്.

ദുബായ് പോലീസ്, പെട്രോൾ കമ്പനികളായ എമിറേറ്റ്സ് നാഷണൽ ഓയിൽ കമ്പനി (ഇനോക്), അബുദാബി നാഷണൽ ഓയിൽ കമ്പനി (ADNOC), എമറാത്ത് എന്നിവയുമായി സഹകരിച്ച് ചെറിയ ട്രാഫിക് അപകടങ്ങൾ, നഷ്ടപ്പെട്ടതും കണ്ടെത്തിയതുമായ സർവീസ്, കാർ റിപ്പയർ സർവീസ് എന്നിവ ഉൾപ്പെടെയുള്ള സേവനങ്ങൾ നേരത്തെ ലഭ്യമാക്കിയിരുന്നു.