ദുബായ് കിരീടാവകാശി ഷെയ്ഖ് ഹംദാൻ ഒമാനിൽ; ഔദ്യോഗിക സന്ദർശനം ആരംഭിച്ചു

ദുബായ് കിരീടാവകാശി ഷെയ്ഖ് ഹംദാൻ ഒമാനിൽ ഔദ്യോഗിക സന്ദർശനത്തിനായി എത്തിയതായി ഒമാൻ വാർത്താ ഏജൻസി തിങ്കളാഴ്ച അറിയിച്ചു.

സന്ദർശന വേളയിൽ, ഒമാൻ പ്രധാനമന്ത്രി കൂടിയായ സുൽത്താൻ ഹൈതം ബിൻ താരിഖ് അൽ സെയ്ദുമായി ഷെയ്ഖ് ഹംദാൻ കൂടിക്കാഴ്ച നടത്തും.

യുഎഇ ഉപപ്രധാനമന്ത്രിയും പ്രതിരോധ മന്ത്രിയുമായ കിരീടാവകാശി, മുതിർന്ന ഒമാനി ഉദ്യോഗസ്ഥരുമായി ഉഭയകക്ഷി ബന്ധങ്ങളെക്കുറിച്ച് ചർച്ച ചെയ്യും. യുഎഇ ഉന്നതതല പ്രതിനിധി സംഘമാണ് സന്ദർശനത്തിന്റെ നേതൃത്വം വഹിക്കുന്നത്.

കാബിനറ്റ് കാര്യ മന്ത്രി മുഹമ്മദ് ബിൻ അബ്ദുല്ല അൽ ഗെർഗാവി, സാംസ്കാരിക മന്ത്രി ഷെയ്ഖ് സലേം ബിൻ ഖാലിദ് അൽ ഖാസിമി, വിദേശ വ്യാപാര സഹമന്ത്രി ഡോ. താനി ബിൻ അഹമ്മദ് അൽ സെയൂദി, കൃത്രിമ ബുദ്ധി, ഡിജിറ്റൽ സമ്പദ്‌വ്യവസ്ഥ, വിദൂര ജോലി ആപ്ലിക്കേഷൻ എന്നീ വകുപ്പുകളുടെ സഹമന്ത്രി ഒമർ ബിൻ സുൽത്താൻ അൽ ഒലാമ, സഹമന്ത്രി മറിയം ബിൻത് അഹമ്മദ് അൽ ഹമ്മദി, ദുബൈ ചേംബേഴ്‌സ് ചെയർമാൻ സുൽത്താൻ ബിൻ സയീദ് അൽ മൻസൂരി, ദുബൈ എക്‌സിക്യൂട്ടീവ് കൗൺസിൽ സെക്രട്ടറി ജനറൽ അബ്ദുല്ല അൽ ബസ്തി, ദുബൈ സ്റ്റേറ്റ് സെക്യൂരിറ്റി ഡിപ്പാർട്ട്‌മെന്റ് പ്രസിഡന്റ് ലെഫ്റ്റനന്റ് ജനറൽ തലാൽ ബെൽഹോൾ അൽ ഫലാസി, ദുബൈ സാമ്പത്തിക, ടൂറിസം വകുപ്പ് ഡയറക്ടർ ജനറൽ ഹെലാൽ സയീദ് അൽ മാരി, തുറമുഖ, കസ്റ്റംസ്, ഫ്രീ സോൺ കോർപ്പറേഷൻ ചെയർമാൻ, ഡിപി വേൾഡിന്റെ ചെയർമാനും സിഇഒയും ദുബൈ ഇന്റർനാഷണൽ ചേംബർ ഓഫ് കൊമേഴ്‌സിന്റെ ചെയർമാനുമായ സുൽത്താൻ അഹമ്മദ് ബിൻ സുലായം എന്നിവരും സന്ദർശന വേളയിൽ അദ്ദേഹത്തെ അനുഗമിക്കുന്നുണ്ട്