ദുബായിലെ കോടീശ്വരൻ അബു സബയെ വഞ്ചനാക്കുറ്റം ചുമത്തി അറസ്റ്റ് ചെയ്തതായി റിപ്പോർട്ട്

വഞ്ചനാക്കുറ്റത്തിന് ബൽവീന്ദർ സിംഗ് സാഹ്നി എന്ന “അബു സബാഹ്” അറസ്റ്റിലായതായി ഫെബ്രുവരി 24 ന് സ്മാഷി ബിസിനസ്സ് റിപ്പോർട്ട് ചെയ്യുന്നു. ദുബായ് ആസ്ഥാനമായുള്ള കോടീശ്വരനാണ് അബു സബാഹ്, ആർഎസ്‌ജി ഗ്രൂപ്പ് ഓഫ് കമ്പനികളുടെ സ്ഥാപകനും ഉടമയുമാണ്. 2016-ൽ 33 മില്യൺ ദിർഹത്തിന് അദ്ദേഹം ‘5’ നമ്പർ പ്ലേറ്റ് വാങ്ങിയതോടെയാണ് സോഷ്യൽ മീഡിയകളിൽ താരമാകുന്നത്. 1972-ൽ കുവൈറ്റിൽ ജനിച്ച ഒരു ഇന്ത്യൻ പൗരനാണ് അബു സബ.

2006-ൽ താൻ ആദ്യമായി ബുർജ് അൽ അറബ് സന്ദർശിച്ചപ്പോൾ തൻ്റെ കാറിൻ്റെ ലൈസൻസ് പ്ലേറ്റിൽ 2-അക്കത്തിൽ കൂടുതൽ ഉള്ളതിനാൽ പ്രവേശനം നിഷേധിച്ചുവെന്നും അല്ലാത്തപക്ഷം റിസർവേഷൻ ആവശ്യമാണെന്നും ഒരു അഭിമുഖത്തിൽ അദ്ദേഹം പറഞ്ഞു. അന്ന് താൻ അപമാനിതനായെന്നും അതു കൊണ്ടാണ് 33 മില്യൺ ദിർഹത്തിന്’5′ നമ്പർ പ്ലേറ്റ് വാങ്ങിയതെന്നും പറ‍ഞ്ഞിരുന്നു.

അബു സബ യുഎഇ ബാങ്കുകൾക്ക് 100 മില്യൺ ദിർഹത്തിലധികം കുടിശ്ശിക നൽകാമുണ്ടെന്നാണ് റിപ്പോർട്ട് റിപ്പോർട്ട്. ഇയാളോടൊപ്പം ഫിനാൻസിയർമാർ, സീനിയർ മാനേജർമാർ, ഇയാളുടെ മൂത്തമകൻ എന്നിവരെ അറസ്റ്റ് ചെയ്തതായും റിപ്പോർട്ടുണ്ട്.

അബു സബയും മകനും കഴിഞ്ഞ ദിവസങ്ങളിൽ സോഷ്യൽ മീഡിയയിൽ നിന്ന് വിട്ടുനിൽക്കുകയും അവരുടെ അസാധാരണമായ തിരോധാനം ആളുകൾ അന്വേഷിക്കുകയും ചെയ്തു. അബു സബയുടെ ഏറ്റവും പുതിയ പോസ്റ്റിൽ, അദ്ദേഹത്തെ അറസ്റ്റ് ചെയ്തോ ഇല്ലയോ എന്ന് ചോദിച്ച് ആരാധകർ കമൻ്റ് ചെയ്യുന്നു. ജയിൽവാസം ഒഴിവാക്കാൻ അധികാരികളുമായി സഹകരിക്കുകയാണെന്ന് സ്മാഷി ബിസിനസ്സ് പ്രത്യേകമായി റിപ്പോർട്ട് ചെയ്തു.