വാഹനമിടിച്ച് കാൽനടയാത്രക്കാർക്ക് പരിക്ക്; ഇരുവർക്കും പിഴ ചുമത്തി ദുബായ് പോലീസ്

ദുബായിലുണ്ടായ അപകടത്തിൽ കാൽനടയാത്രക്കാർക്ക് പരിക്കേറ്റതിനെ തുടർന്ന് ഒരു ഡ്രൈവർക്കും രണ്ട് കാൽനട യാത്രക്കാർക്കും ദുബായ് പോലീസ് പിഴ ചുമത്തി. ട്രാഫിക് നിയമങ്ങൾ പാലിക്കാത്തതിന് അറബ് ഡ്രൈവർക്കെതിരെ കേസുമുണ്ട്, അതേസമയം ഏഷ്യൻ കാൽനടയാത്രക്കാർക്ക് നിയുക്ത സ്ഥലത്തു നിന്ന് ക്രോസ് ചെയ്തതിന് പിഴ ചുമത്തി. ഡ്രൈവർക്ക് 2000 ദിർഹവും കാൽനടയാത്രക്കാർക്ക് 400 ദിർഹവും പിഴയാണ് ചുമത്തിയത്.

ഡ്രൈവർ ട്രാഫിക് നിയമങ്ങൾ പാലിക്കാത്തതും മറ്റ് റോഡ് ഉപയോക്താക്കളെ മാനിക്കാത്തതുമാണ് അപകടത്തിൽ കലാശിച്ചതെന്ന് കോടതി പറഞ്ഞു. വാഹനത്തിന് മുന്നിലൂടെ കടന്നുപോയ മറ്റ് രണ്ട് പേരെ താൻ ശ്രദ്ധിച്ചില്ലെന്ന് ഇയാൾ സമ്മതിച്ചു. കാൽനടയാത്രക്കാർക്ക് പരിക്കേറ്റതായി മെഡിക്കൽ റിപ്പോർട്ടുകൾ സ്ഥിരീകരിച്ചു.

അപകടത്തിന് രണ്ട് ഏഷ്യൻ വ്യക്തികളും ഉത്തരവാദികളാണെന്നും കോടതി കണ്ടെത്തി. ട്രാഫിക് മര്യാദകളും നിയമങ്ങളും അവഗണിച്ച് കാൽനടയാത്രക്കാർക്കായി നിശ്ചയിച്ചിട്ടില്ലാത്ത സ്ഥലത്ത് നിന്ന് റോഡ് മുറിച്ചുകടന്നതിനാണ് പ്രതികളെ ശിക്ഷിച്ചത്. ഇവരുടെ പ്രവൃത്തിയിൽ വാഹനം ഇടിക്കുക മാത്രമല്ല, ഡ്രൈവറുടെ വാഹനത്തിന് കേടുപാടുകൾ സംഭവിക്കുകയും ചെയ്തു.