ദുബായ്: പ്രവചിക്കപ്പെട്ട അസ്ഥിരമായ കാലാവസ്ഥയെത്തുടർന്ന് എമിറേറ്റിലെ എല്ലാ സ്വകാര്യ സ്‌കൂളുകൾക്കും വ്യാഴം, വെള്ളി ദിവസങ്ങളിൽ (മെയ് 2, 3) ദുബായ് സർക്കാർ ഓൺലൈൻ ക്ലാസ്സുകൾ പ്രഖ്യാപിച്ചു.
ഒരു സോഷ്യൽ മീഡിയ പോസ്റ്റിൽ, നോളജ് ആൻഡ് ഹ്യൂമൻ ഡെവലപ്‌മെൻ്റ് അതോറിറ്റി (കെഎച്ച്‌ഡിഎ) പറഞ്ഞു, “അസ്ഥിരമായ കാലാവസ്ഥ പ്രവചിക്കപ്പെടുന്നതിനാൽ, എല്ലാ ദുബായ് സ്വകാര്യ സ്കൂളുകളും നഴ്‌സറികളും സർവകലാശാലകളും മെയ് 2 വ്യാഴം, വെള്ളി ദിവസങ്ങളിൽ വിദൂര പഠനം നടത്തണം. എല്ലാവരും സുരക്ഷിതരായിരിക്കുക.”
ബുധൻ, വ്യാഴം ദിവസങ്ങളിൽ പ്രതീക്ഷിക്കുന്ന അസ്ഥിരമായ ‘കാലാവസ്ഥ’ കാരണം പൊതുജനങ്ങളോട് ജാഗ്രത പാലിക്കാൻ സർക്കാർ മുന്നറിയിപ്പ് നൽകിയിട്ടുണ്ട്.
അഭൂതപൂർവമായ മഴയ്ക്കും വെള്ളപ്പൊക്കത്തിനും ശേഷം രണ്ടാഴ്ചയോളം ഓൺലൈൻ ക്ലാസുകൾക്ക് ശേഷം തിങ്കളാഴ്ചയാണ് മിക്ക എമിറേറ്റുകളിലും സ്കൂളുകൾ തുറന്നിരുന്നത്.
പല വിദ്യാർത്ഥികൾക്കും, ഒരു നീണ്ട ഇടവേളയ്ക്ക് ശേഷമായിരുന്നു ക്ലാസിലേക്കുള്ള മടക്കം. മിക്ക സ്കൂളുകളിലും മാർച്ച് അവസാനം രണ്ടാഴ്ചത്തെ സ്പ്രിംഗ് ബ്രേക്ക് ഉണ്ടായിരുന്നു, തുടർന്ന് ഒരാഴ്ചത്തെ ഈദ് അവധി. ഏപ്രിൽ 16 ന് കൊടുങ്കാറ്റിന് മുമ്പ് ഏപ്രിൽ 15 തിങ്കളാഴ്ച വിദ്യാർത്ഥികൾ സ്കൂളിൽ എത്തിയിരുന്നു. എന്നാൽ 16ാം തീയ്യതി മുതൽ കനത്ത മഴ തുടങ്ങിയതോടെ രണ്ടാഴ്ചയോളം അവധി പ്രഖ്യാപിക്കുകയായിരുന്നു.
+ There are no comments
Add yours