ഗർഭിണിയുടെ ജീവന് പ്രാധാന്യം നൽകണം; ഗർഭച്ഛിദ്രം സംബന്ധിച്ച നിയമത്തിൽ മാറ്റങ്ങൾ വരുത്തി യു.എ.ഇ

യു.എ.ഇ: എമിറേറ്റിൽ ഗർഭച്ഛിദ്രം സംബന്ധിച്ച നിയമത്തിൽ മാറ്റങ്ങൾ വരുത്തുകയാണ് യു.എ.ഇ. അമ്മയുടെ ജീവന് ഗുരുതരമായ അപകടമുണ്ടെങ്കിൽ ഗർഭച്ഛിദ്രം നടത്തുന്നത് മെഡിക്കൽ പ്രൊഫഷണലുകളുടെ ഉത്തരവാദിത്വമല്ല. മറിച്ച് ​ഗർഭിണിയുടെ പൂർണ്ണ ഉത്തരവാദിത്വത്തിലായിരിക്കുമെന്നാണ് പുതിയ നിയമം പറയുന്നത്.

രാജ്യത്തെ അഭിഭാഷകരുടെ അഭിപ്രായത്തിൽ, ഈ സുപ്രധാന മാറ്റം ഗർഭിണിയായ സ്ത്രീയെ അവളുടെ ആരോഗ്യത്തിൻ്റെ ചുമതല ഏൽപ്പിക്കുന്നു. “അബോർഷൻ ഓപ്പറേഷൻ ആരംഭിക്കുന്നതിന് (മറ്റ് വ്യവസ്ഥകൾക്കൊപ്പം) ഗർഭിണിയുടെ സമ്മതം മാത്രമേ ആവശ്യമുള്ളൂവെന്ന് ഉറപ്പിക്കാൻ നിയമത്തിലെ ഭേദഗതികൾ മുമ്പത്തെ വ്യവസ്ഥകൾ പരിഷ്‌ക്കരിച്ചു,” ബിഎസ്എ അഹമ്മദ് ബിന്നിലെ സീനിയർ അസോസിയേറ്റ് ഹാഡിയൽ ഹുസൈൻ പറഞ്ഞു.

പുതിയ ചട്ടം അനുസരിച്ച്, സ്ത്രീക്ക് സമ്മതം നൽകാൻ കഴിയാത്ത സാഹചര്യത്തിൽ, സ്ത്രീയുടെ ഭർത്താവോ, ഭർത്താവിൻ്റെ അഭാവത്തിൽ, വ്യക്തിഗത സ്റ്റാറ്റസ് നിയമപ്രകാരം നിർവചിച്ചിരിക്കുന്ന അവളുടെ പുരുഷ ബന്ധുക്കളോ അബോർഷൻ ഓപ്പറേഷന് സമ്മതം നൽകേണ്ടതുണ്ട്.

നിയമമനുസരിച്ച്, അടിയന്തിര ശസ്ത്രക്രിയാ ഇടപെടൽ ആവശ്യമായ അടിയന്തിര സാഹചര്യങ്ങളിൽ സമ്മതം ഒരു വ്യവസ്ഥയല്ല.

രണ്ട് കേസുകളിൽ മാത്രമേ മെഡിക്കൽ പ്രൊഫഷണലുകൾക്ക് ഗർഭച്ഛിദ്രം നടത്താൻ അനുവാദമുള്ളൂ:

• ഗർഭത്തിൻറെ തുടർച്ച ഗർഭിണിയായ സ്ത്രീയുടെ ജീവനെ അപകടപ്പെടുത്തുന്നുവെങ്കിൽ.
• ഗർഭസ്ഥശിശുവിന്റെ രൂപഭേദം തെളിയിക്കപ്പെട്ടാൽ.

എന്നിരുന്നാലും, രണ്ട് സാഹചര്യങ്ങളിലും, നിയമം അനുസരിച്ച് ഒന്നിലധികം വ്യവസ്ഥകൾ ബാധകമാണ്.

ശ്രദ്ധേയമായ മാറ്റം

“ഇത് ശ്രദ്ധേയമായ ഒരു മാറ്റമാണ്. നിയമം ഇപ്പോൾ ഗർഭിണിയുടെ സമ്മതത്തിന് മുൻഗണന നൽകുന്നു,” ഹുസൈൻ പറഞ്ഞു. “ഇത് ഏറെ പുരോ​ഗമനപരമായ വികസനമാണ്, കാരണം ഇത് സ്ത്രീകളുടെ സ്വയംഭരണാവകാശം ഉയർത്തുകയും നിയമത്തിന് ആവശ്യമായ മാനദണ്ഡങ്ങൾ നിറവേറ്റുന്ന സ്ത്രീകൾക്ക് ഗർഭച്ഛിദ്ര പ്രവർത്തനങ്ങളുടെ ലഭ്യത വർദ്ധിപ്പിക്കുകയും ചെയ്യുന്നു.”

ഗർഭം അമ്മയുടെ ജീവന് അപകടകരമാണെങ്കിൽ, ഗർഭം അലസിപ്പിക്കാനുള്ള ലഭ്യത ഗർഭം മുതൽ 120 ദിവസമായി പരിമിതപ്പെടുത്തുന്ന നിയന്ത്രണവും ഭേദഗതി നീക്കം ചെയ്യുന്നു.

“കൂടാതെ, അനുവദനീയമായ ഗർഭച്ഛിദ്രത്തിൻ്റെ മറ്റ് കേസുകൾ നിർണ്ണയിക്കുന്ന പ്രമേയങ്ങൾ പുറപ്പെടുവിക്കാനുള്ള അധികാരം കാബിനറ്റിന് നിയമം അനുവദിച്ചിട്ടുണ്ട്, അഭിഭാഷകൻ നദീൻ മുഖ്താർ പറഞ്ഞു. “ഈ ഭേദഗതികൾ കാലികമായി തുടരാനും വിദേശികൾക്കും അവരുടെ വൈവിധ്യമാർന്ന സംസ്കാരങ്ങളെയും യു.എ.ഇ അം​ഗീകരിക്കുന്നതിനുള്ള തെളിവാണ് പുതിയ നിയമമെന്നും അദ്ദേഹം കൂട്ടിചേർത്തു.”

സ്വാ​ഗതം ചെയ്യേണ്ടുന്ന നിയമം

ഈ നടപടിയെ മെഡിക്കൽ പ്രാക്ടീഷണർമാരും സ്വാഗതം ചെയ്തു. സമീപകാല സംഭവവികാസങ്ങൾക്കനുസരിച്ചാണ് ഭേദഗതിയെന്ന് മാൻഖൂലിലെ ആസ്‌റ്റർ ഹോസ്പിറ്റലിലെ ഒബ്‌സ്റ്റട്രിക്‌സ് ആൻഡ് ഗൈനക്കോളജി സ്‌പെഷ്യലിസ്റ്റ് ഡോ.സുസ്മിത ദാസ് പറഞ്ഞു. മെഡിക്കൽ കാരണങ്ങളാൽ ഒരു സ്ത്രീക്ക് ഗർഭച്ഛിദ്രം ആവശ്യമാണെങ്കിൽ, അതിന് ഇപ്പോൾ അവളുടെ സമ്മതം മാത്രമേ ആവശ്യമുള്ളൂ, ഭർത്താവിൻ്റെയോ പുരുഷ ബന്ധുക്കളുടെയോ സമ്മതമല്ല,” അവർ പറഞ്ഞു. “ഇത് ആവശ്യമായ സമ്മത ഫോമുകൾ ഒപ്പിടുന്നതിനെക്കുറിച്ച് വിഷമിക്കാതെ അമ്മയ്ക്ക് ഇതിനകം വൈകാരികമായി ബുദ്ധിമുട്ടുള്ള നടപടിക്രമം അൽപ്പം എളുപ്പമാക്കുന്നു.”അവർ കൂട്ടിചേർത്തു.

യു.എ.ഇ നിയമത്തിലെ സമീപകാല മാറ്റങ്ങൾ കണക്കിലെടുക്കുമ്പോൾ, ഇത് വളരെ ഉചിതമായ ഭേദഗതിയാണെന്നും അവർ കൂട്ടിച്ചേർത്തു. ഈ ഭേദഗതി പ്രധാനമായി അവിവാഹിതരായ അമ്മമാർക്ക് രാജ്യത്ത് പ്രസവിക്കാൻ യു.എ.ഇ അനുവദിച്ചിരിക്കുന്നതിനാൽ സമൂഹത്തിൽ വലിയ മാറ്റം സൃഷ്ടിക്കുകയാണ്,” അവർ പറഞ്ഞു.

മുമ്പത്തെ യു.എ.ഇയിലെ നിയമമനുസരിച്ച്, അവിവാഹിതയായ അമ്മയ്ക്ക് ആരോഗ്യപരമായ ഗർഭച്ഛിദ്രം ആവശ്യമായി വരികയും ചെയ്താൽ, സമ്മതപത്രത്തിൽ ഒപ്പിടാൻ അവൾ അടുത്ത പുരുഷ ബന്ധുക്കളെ സമീപിക്കേണ്ടതുണ്ടായിരുന്നു.