യുഎഇ ‘ബ്ലൂ’ സൂപ്പർമൂൺ ഇന്ന് രാത്രി: യുഎഇയിൽ എവിടെയെല്ലാം ദൃശ്യമാകും?!

ഇന്ന് രാത്രിയോടെയാണ് ഏറ്റവും വലുതും തിളക്കമുള്ളതുമായ ബ്ലൂ സൂപ്പർമൂൺ കാണപ്പെടുക. ഭൂമിയുടെ ഭ്രമണപഥത്തോട് ചന്ദ്രൻ കൂടുതൽ‍ അടുത്തു നിൽക്കുന്ന സമയത്തെ പൂർണ ചന്ദ്രനെയാണ് സൂപ്പർമൂൺ എന്ന് വിളിക്കുന്നത്. നാലു പൂർണചന്ദ്രൻമാരുള്ള ഒരു കാലയളവിലെ മൂന്നാമത്തെ പൂർണചന്ദ്രനാണ് ബ്ലൂ മൂൺ എന്നറിയപ്പെടുന്നത്. സീസണിലെ മൂന്നാമത്തെ പൂർണ ചന്ദ്രനാണിത്.

ഓഗസ്റ്റ് 19 ന് രാത്രി 11.55 ന് ചന്ദ്രൻ ഏറ്റവും വലുതും തിളക്കമുള്ളതുമായി ദൃശ്യമാകും. യഥാർത്ഥത്തിൽ രണ്ട് തരം ബ്ലൂ സൂപ്പർമൂൺ ഉണ്ട്. ആദ്യത്തേത് പ്രതിമാസ ബ്ലൂ മൂൺ ആണ്. അതായത് എല്ലാ രണ്ടാമത്തെ ആഴ്‌ചയിലും പൂർണ്ണചന്ദ്രൻ ദൃശ്യമാകും.

രണ്ടാമത്തേത് സീസണൽ ബ്ലൂ മൂൺ ആണ്, അതായത് ഒരു സീസണിൽ കാണുന്ന നാല് പൗർണ്ണമികളിൽ മൂന്നാമത്തേത്. രണ്ടു കാര്യങ്ങളും ഒരുമിച്ച് വരുന്നതിനാലാണ് സൂപ്പർമൂൺ–ബ്ലൂമൂൺ പ്രതിഭാസമെന്ന് വിളിക്കുന്നത്. ഇന്ന് രാത്രി മുതൽ 3 ദിവസത്തേക്ക് ഈ പ്രതിഭാസം തെളിഞ്ഞ അന്തരീക്ഷത്തിൽ കാണാനാകും.

ചന്ദ്രൻ എപ്പോൾ ദൃശ്യമാകും?

സൂര്യാസ്തമയത്തിന് ശേഷം സൂപ്പർമൂൺ ഉദിക്കുമെന്ന് അബുദാബി ആസ്ഥാനമായുള്ള അന്താരാഷ്ട്ര ജ്യോതിശാസ്ത്ര കേന്ദ്രം ഡയറക്ടർ മുഹമ്മദ് ഷൗക്കത്ത് ഒഡെ പറഞ്ഞു. ഭൂമിയിൽ നിന്ന് നോക്കുമ്പോൾ ചന്ദ്ര ഡിസ്കിൻ്റെ വലിപ്പം അൽപ്പം വലുതായിരിക്കും

യുഎഇയിൽ എവിടെ ദൃശ്യമാകും

രാജ്യത്തുടനീളം സൂപ്പർമൂൺ ദൃശ്യമാകും. “ചന്ദ്രൻ്റെ വ്യക്തമായ കാഴ്ചയുള്ള തുറസ്സായ സ്ഥലങ്ങൾ, ഉയർന്ന ഉയരമുള്ള സ്ഥലങ്ങൾ അല്ലെങ്കിൽ ജലത്തിൽ ചന്ദ്രൻ്റെ പ്രതിബിംബം കാണാൻ കഴിയുന്ന വാട്ടർഫ്രണ്ട് പ്രദേശങ്ങൾ എന്നിവയാണ് മികച്ച സ്ഥലങ്ങൾ.”

ദൂരദർശിനിയിലൂടെ തങ്ങളുടെ ഫോണിൽ ഫോട്ടോകൾ പകർത്താൻ സന്ദർശകരെ സഹായിക്കുന്ന ജ്യോതിശാസ്ത്രജ്ഞരെ കാണുന്നതിന് സിറ്റി വാക്കിൽ DAG ഒരു പണമടച്ചുള്ള പരിപാടിയും സംഘടിപ്പിക്കുന്നുണ്ട്. ഈ മാസം യുഎഇയുടെ ആകാശത്ത് പ്രകാശം പരത്തുന്ന മൂന്നാമത്തെ ആകാശക്കാഴ്ചയാണിത്.