‘അധികകാലം താമസിച്ചാൽ ആജീവനാന്ത വിലക്ക്’; വിസിറ്റ് വിസ ഓവർസ്റ്റേയുമായി ബന്ധപ്പെട്ട് പ്രചരിക്കുന്നത് വ്യാജ വാർത്തകളെന്ന് ജിഡിആർഎഫ്എ

‘ഓവർ സ്റ്റേ പ്രഖ്യാപനം’ സംബന്ധിച്ച സോഷ്യൽ മീഡിയ പോസ്റ്റുകൾ വ്യാജമാണെന്ന് ദുബായ് ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് (ജിഡിആർഎഫ്എ) അറിയിച്ചു.

ഇത്തരം വ്യാജ വാർത്തകൾ വാട്സ്ആപ്പിൽ ഉൾപ്പെടെ പ്രചരിക്കുന്നുണ്ട്. “ദുബായ് ഇമിഗ്രേഷൻ ഉടൻ പ്രാബല്യത്തിൽ വരുന്ന അവസാന ഓവർസ്റ്റേ പോളിസി മാറ്റം പ്രഖ്യാപിച്ചു. 5 ദിവസത്തിൽ കൂടുതൽ തങ്ങുന്ന ഏതൊരു യാത്രക്കാരെയും മുൻകൂർ അറിയിപ്പ് കൂടാതെ സ്ഥിരമായി രാജ്യത്ത് നിന്ന് വിലക്കുമെന്നാണ് ഒരു വ്യാജവാർത്തയിൽ പറ‍ഞ്ഞിരിക്കുന്നത്. ഇത്തരത്തിൽ താമസിക്കുന്നവരുടെ പേരുകൾ കരിമ്പട്ടികയിൽ ചേർക്കുകയും രാജ്യത്ത് നിന്ന് നാടുകടത്തുകയും ചെയ്യുമെന്ന വ്യാജ വാർത്തകളാണ് സോഷ്യൽ മീഡിയയിൽ പ്രചരിച്ചത്. ദുബായ് ഇമിഗ്രേഷന്റെ പേരിലാണ് ഈ വാർത്തകൾ പ്രചരിപ്പിക്കുന്നത്.

എന്നാൽ ഈ വാർത്തകൾ വിശ്വസിക്കരുതെന്നും വിവരങ്ങൾക്ക് ഡയറക്ടറേറ്റിന്റെ ഔദ്യോഗിക ചാനലുകളെ ആശ്രയിക്കണമെന്നും ജിഡിആർഎഫ്എ-ദുബായ് പൊതുജനങ്ങളോട് അഭ്യർത്ഥിച്ചു.

ഇത്തരം വ്യാജവാർത്തകളെ കുറിച്ച് തങ്ങൾക്ക് അറിയാമെന്നും അവ ജിഡിആർഎഫ്എ നൽകിയിട്ടില്ലെന്നും ജിഡിആർഎഫ്എ കോൾ സെൻ്റർ വ്യക്തമാക്കി. അത്തരത്തിലുള്ള ഒരു പോസ്റ്റിൽ ജിഡിആർഎഫ്എയുടെ പേരിനൊപ്പം ആഭ്യന്തര മന്ത്രാലയത്തിൻ്റെ ലോഗോയുണ്ടാകുമെന്നും അധികൃതർ വ്യക്തമാക്കി..

ബന്ധപ്പെട്ടപ്പോൾ, GDRFA മീഡിയ ഡിപ്പാർട്ട്‌മെൻ്റും കിംവദന്തികൾ നിഷേധിച്ച് ഒരു പ്രസ്താവന ഇറക്കി.

GDRFA പ്രസ്താവന

വ്യാജവാർത്തകൾ പിന്തുടരരുതെന്നും ഔദ്യോഗിക ഉറവിടങ്ങളിൽ നിന്ന് വിവരങ്ങൾ നേടണമെന്നും ദുബായിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് (ജിഡിആർഎഫ്എ) പൊതുജനങ്ങളോട് അഭ്യർത്ഥിക്കുന്നു,” അതോറിറ്റി പ്രസ്താവനയിൽ പറഞ്ഞു.

“എമിറേറ്റ് ഓഫ് ദുബായ് മുഖേന റസിഡൻസി നൽകുന്നവരും പ്രത്യേക റസിഡൻസി പ്രശ്‌നങ്ങൾ നേരിടുന്നവരുമായ താമസക്കാരോടും അവരുടെ പ്രശ്നങ്ങൾക്ക് ഉചിതമായ പരിഹാരം കാണുന്നതിന് അതിൻ്റെ ഔദ്യോഗിക ചാനലുകളിലൂടെ അഡ്മിനിസ്ട്രേഷനുമായി ആശയവിനിമയം നടത്താനും ഇത് ആവശ്യപ്പെടുന്നു,”

വിസിറ്റ് വിസ ഓവർസ്റ്റേയുമായി ബന്ധപ്പെട്ടും മറ്റു വിസ സംബന്ധമായ ഏത് അന്വേഷണങ്ങൾക്കും നേരിട്ട് ഓഫീസുമായി ബന്ധപ്പെടാവുന്നതാണ്. അല്ലെങ്കിൽ ടോൾ ഫ്രീ നമ്പറായ 8005111ലെ ബന്ധപ്പെടണമെന്ന് ജി ഡി ആർ എഫ് എ ദുബായ് അറിയിച്ചു.